މޫސުން ގޯސްވާނެ ކަމަށް ލަފާކޮށް ހއ. އަތޮޅުން ފެށިގެން ބ. އަތޮޅަށް ހުދު ސަމާލު ނެރެފި އެވެ.
މޫސުމާ ބެހޭ ގައުމީ އިދާރާ (މެޓް އޮފީސް) އިން މިއަދު ހއ. އަތޮޅުން ބ. އަތޮޅަށް ހުދު ސަމާލު ނެރެފައިވަނީ، 12:00 އިން 17:00 ގެ ނިޔަލަށެވެ.
އއ އިދާރާއިން ހާމަކޮށްފައިވާ ގޮތުގައި ހުދު ސަމާލު ނެރެފައިވާ ވަގުތުގެ ތެރޭގައި، ބޯކޮށް ވާރޭ ވެހި ގުގުރާނެއެވެ.
އަދި ހުދު ސަމާލު ނެރެފައިވާ ވަގުތުގެ ތެރޭގައި، ވިލާގަނޑުގައި ގަޑިއަކު 40 މޭލުގެ ބާރުމިނަށް ވައިގަދަވާނެ ކަމަށްވެސް މެޓް އޮފީހުންވަނީ ބުނެފައެވެ.
