މޫސުން ގޯސްވާނެ ކަމަށް ލަފާކޮށް ހއ އަތޮޅުން ފެށިގެން ރ އަތޮޅަށް ހުދު ސަމާލު ނެރެފި އެވެ.

މޫސުމާ ބެހޭ ގައުމީ އިދާރާ (މެޓް އޮފީސް) އިން މިއަދު ހއ. އަތޮޅުން ރ އަތޮޅަށް ހުދު ސަމާލު ނެރެފައިވަނީ، 08:15 އިން 13:00 ގެ ނިޔަލަށެވެ.

އެ އިދާރާއިން ހާމަކޮށްފައިވާ ގޮތުގައި ހުދު ސަމާލު ނެރެފައިވާ ވަގުތުގެ ތެރޭގައި، ބޯކޮށް ވާރޭ ވެހި ގުގުރާނެއެވެ.

މޫސުން ގޯސްވާ ދުވަސްވަރުގައި ކަނޑު ދަތުރުފަތުރު ކުރާ ފަރާތްތަކުން ރައްކާތެރިވެ ކޮންމެހެން ކުރަން ޖެހޭ ދަތުރުތައް ނޫނީ ނުކުރުމަށްވެސް ކަމާއި ބެހޭ އިދާރާތަކުން އިލްތިމާސްކުރެއެވެ.