އައިޑީކާޑު ހަދަން ހުށަހެޅުމުން ޕްރިންޓު ނުވެ ނުވަތަ ނުހެދި 24 ގަޑިއިރުވަންދެން ދެން ނޯންނާނެ ކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު އަލީ އިހްސާނު ވިދާޅުވެއްޖެއެވެ.

އޮޕަރޭޝަން "ކުރަނގި"ގެ ދެވަނަ ފިޔަވަހި އިފްތިތާހުކުރުމަށާއި ސަރުކާރުގެ "ނާރެސް" އެޕްލިކޭޝަން އިފްތިތާހްކުރުމަށް ރޭ ބޭއްވި ރަސްމިއްޔާތުގައި ވާހަކަދައްކަވަމުން ވަޒީރު ވިދާޅުވީ އެ ވުޒާރާއިން މަސައްކަތާއި ހަވާލުވިއިރު ޕްރިންޓު ނުކުރެވި 3،348 އައިޑީކާޑު އޮތް ކަމަށާއި ދެން އެހެން ނުވާނެ ކަމަށެވެ.

އިހުސާން ވިދާޅުވީ، އިފްތިތާހު ކުރެވިގެންދިޔަ "ނާރެސް" އެޕްލިކޭޝަން މެދުވެރިކޮށް މިހާރު ރާއްޖޭގެ ކޮންމެ ހިސާބެއްގައި ހުރެގެން ވެސް އައިޑީކާޑު ހަދަން ހުށަހަޅައި އެ މަސައްކަތް އޮތް ހިސާބު ބަލާލެވޭނެ ކަމަށެވެ.

ނާރެސް" ޕޯޓަލް މެދުވެރިކޮށް ރަށްރަށުގައި އަމިއްލައަށް އޮންލައިންކޮށް އައިޑީ ކާޑަށް އެޕްލައި ނުކުރެވޭ ފަރާތްތަކަށް ރަށްރަށުގައި ތިބެގެން ފަސޭހަ ކަމާއެކު އެޕްލައި ކުރެވޭނެއެވެ.