އެމްޑީޕީ ސަރުކާރުގައި އެމަނިކުފާނަށް ކުރި ނުހައްގު ހުކުމުތަކުގައި ޖަލުގައި ހުންނަވަނިކޮށް އެމަނިކުފާނާ ދެކޮޅަށް ޕީޕީއެމް/ޕީއެންސީ ތެރެއިން ބަޣާވާތްކުރިކަމަށް ރައީށް އަބްދުﷲ ޔާމީން ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވީ، ބުރާސްފަތި ދުވަހުގެރޭ ދަ ފްރޮންޓް އޮފީހުގައި އޮތް ޖަސްލާގައި ބައިވެރިންނާ ކުރެއްވި ސުވާލުތަކުގެ ތެރެއިން ދެއްކެވި ވާހަކަފުޅުގައެވެ.
ރައީސް ޔާމީން ވަނީ، ކުރީގެ ނައިބު ރައީސް މުހައްމަދު ޖަމީލު އަހުމަދާ ކުރީގެ ޔޫތު މިނިސްޓަރު މުހައްމަދު މަލީހު ޖަމާލުއާ ގުޅުވާ ޕީއެންސީ ޖަގަހައިގައާ އަދި ސަރުކާރުގެ ވެރިންނާ ސަރުކާރަށް ތާއީދުކުރާ މީހުން ދައްކމުން ގެންދާ ވާހަކަތަކަށް ރައްދު ދެއްވާފައެވެ.
އެގޮތުން ޑރ. ޖަމީލާ، މަލީހަކީ ރައީސް ޔާމީނަށް އިހްލާސްތެރި ބައެއް ނޫންކަމަށް ބުނެ އަދިވެސް އިހްލާސްތެރިން ތިބީ ޕީޕީއެމް ޕީއެންސީގައިކަމަށް ބުނެ ސަރުކާރުގެ އިސްވެރިން ބުނަމުންދާ ބުނުމަށް ރައީސް ޔާމީން ވިދާޅުވީ، އެމަނިކުފާނު ޖަލުގައި ހުންވަނަިކޮށް، އެ ވިދާޅުވާ "އިޚްލާސްތެރިން" އެމަނިކުފާނާ ދެކޮޅަށް ޕީޕިއެމް/ޕީއެންސީ ތެރޭގައި ބަޣާވާތްކުރި ކަމަށެވެ.
އަޅުގަނޑު ޖަލުގައި އޮއްވާ ނޫންތޯ މިތާ ތެރޭގައި ތިބެ (ޕީޕީއެމް/ޕީއެންސީން) ތިބެ ބަގާވާތެއް ކުރީ. އަަޅުގަނޑު ޖަލުގައި އޮއްވާ ނޫންތޯ މިތާ ތިބި ހުރިހާ ވެރިން އަޅުގަނޑާ އެންމެ ގާތްކަމަށް ރައްޔިތުންނަށް ދައްކައިގެން އުޅުނު ހުރިހާ ވެރިން ބަގާވާތް ކުރީ.
ރައީސް ޔާމީން
މި ތުހުމަތާ އެކު ރައީސް ޔާމީން ވަނީ ޕީޕީއެމް/ޕީއެންސީގެ ވެރިންނަށް ސުވާލެއް އަމާޒުކުރައްވާފައެވެ.
އެގޮތުން ރައީސް ޔާމީން ވަނީ ކަމުގެ ބުރަދަނަށް ބަލާއިރު އެމަނިކުފާނަށް ގެއްލުންދީ ނިކަމެތި ކޮށްލީ ކޮންބައެއްތޯ ސަރުކާރުގެ އިސްވެރިންނާއި ސުވާލުކުރައްވާފައެވެ.
