އެޑިއުކޭޝަން މިނިސްޓްރީގައި ތިބި ސިޔާސީ މުވައްޒަފުންގެ އަދަދު ސިއްރުކޮށްފިއެވެ.
މައުލޫމާތު ހޯދައި ލިބިގަތުމުގެ ދަށުން އޮންލައިން ނޫހަކުން އެޑިޔުކޭޝަން މިނިސްޓްރީ އަށް ފޮނުވި އާރްޓީއައި އަށް އެ މިނިސްޓްރީން ވަނީ ޖަވާބު ދިނުމަށް އުޒުރުވެރިވެފައެވެ.
އޭގެފަހުން އަނެއްކާވެސް ސިޔާސީ މުވައްޒަފުންގެ މައުލޫމާތު ހޯދުމަށް އެދުމުން އެ ވުޒާރާއިން ބުނެފައިވަނީ މައުލޫމާތު ހޯދާ ލިބިގަތުމުގެ ހައްގުގެ ގާނޫނުގެ "31 ވަނަ މާއްދާގެ (1) ވަނަ ނަންބަރަށް ރިއާޔަތްކޮށް އެދިލައްވާފައިވާ މައުލޫމާތު ދެވެން ނެތް," ކަމަށެވެ.
މިނިސްޓްރީން ރިއާޔަތްކުރި މާއްދާގެ ނަންބަރަކީ ނަތީޖާ ހާސިލުކުރެވޭ ގޮތެއްގައި، ސަރުކާރުގެ ސިޔާސަތު އެކުލަވާލުމަށް ހުރަސްއެޅޭފަދަ މައުލޫމާތެއް ސިއްރުކުމުގެ ބާރު ލިބިދޭ ނަންބަރެވެ.
އެ ވުޒާރައިން ވަނީ އެ އަދަދު ސިއްރުކޮށްފައެވެ.
މި ސަރުކާރު އައީ ހުރިހާ ކަމެއް ވެސް ހާމަކުރާނެ ކަމުގެ ވައުދާއެކުގައެވެ.
ނަމަވެސް ފެނިގެންދަނީ ސަރުކާރަށް 8 މަސް ވެގެންދިޔައިރު ވެެސް ސަރުކާރުގެ ސިޔާސީ މަގާމްތަކުގެ އަދަދު ހާމަނުކުރެވޭކަމެވެ.
