އިންޑިއާގެ ލަކްޝަދީޕް ޕްރޮމޯޓް ކުރުމުގެ ނަމުގައި ދިވެހިރާއްޖެއާއި ދެކޮލަށް ވަރުގަދަ ކެމްޕެއިނެއް އިންޑިއާއިން ފަށައިފިއެވެ.
މިކަން ހާމަވެފައިވަނީ ސޯޝަލް މިޑިއާގައި އާންމުވެފައިވާ އިންޑިއާގެ ޕްރައިމް މިނިސްޓަރު ނަރެންދްރަ މޯދީ ކުޅެ ނެރެފައިވާ ވީޑިއޯއަކުންނެވެ.
އެ ވިޑިއޯގައި ވަނީ ޖަޒީރާ ރަށްތަކެއްގެ ގޮތުގައި އޮންނަ ލަކްޝަދީޕަށް ވަޑައިގެން އެ ތަނުގެ ރީތި ކަމަށް ތައުރީފު ކުރައްވައި އެތަނުގައި ސްނޯކަލް ކުރައްވައި ގޮނޑުދޮށުގައި ހިންގަވާތަނެވެ.
މޯދީ އެކްސްގައި ކުރެއްވި ޕޯސްޓެއްގައި ވަނީ ލަކްޝަދީޕަށް ޒިޔާރަތް ކުރުމަށް އިންޑިއާގެ ރައްޔިތުންނަށް ގޮވާލައި، އެތަނުގެ ފަތުރުވެރިކަން ކުރިއަރުވަން ހާއްސަ އިސްކަމެއް ދެއްވައިގެން ތަރައްގީގެ މަޝްރޫއެއް އިއުލާން ކުރައްވައިފަ އެވެ.
ލަކްޝަދީޕުގެ ރީތިކަން ޕްރޮމޯޓްކޮށް އެތަނުގައި ފަތުރުވެރިކަން ކުރިއެރުވުމަށް މޯދީ މަސައްކަތް ފެއްޓެވުމަކީ، ރާއްޖެއަށް ދީފައިވާ އިންޒާރެއްގެ ގޮތުގައި ބޭރުގެ ގިނ ަބަޔަކު ދަނީ ސިފަ ކުރަމުންނެވެ.
ރާއްޖޭގެ ފަތުރުވެރިކަމާއި ގުޅިގެން އިންޑިއާގައި ކެމްޕެއިނެއް ފަށައިފައިވާއިރު، މީގެ ދެ އަހަރު ކުރި، 2022 ވަނަ އަހަރު އިންޑިއާއަކީ އެންމެ ގިނަ ފަތުރުވެރިން ރާއްޖެ އައި ގައުމެވެ. އަދި މިދިޔަ އަހަރު އެކަނިވެސް އެ ގައުމުން 190،000 ފަތުރުވެރިން ރާއްޖޭގައި ޗުއްޓީ ހޭދަކޮށްފައިވެއެވެ.
