އިންޑިއާ ސަފާރާއިން ރާއްޖޭ ހިންގާ ހިންގުން ނިމުމަކަށް އަދިވެސް ނާންނަ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.
ރައީސް ޔާމީން މިފަދައިން ވިދާޅުވީ ދަ ފްރޮންޓް އޮފީހުގައި ބޭއްވި ޖަލްސާގައި ވާހަކަ ދައްކަވަމުންނެވެ.
ރައީސް ޔާމީން ވިދާޅުވީ، އިންޑިއާއަށް މުޅި ގައުމު ވިއްކާލަމުން ކުރީ ސަރުކާރުން ދިޔަ ދިއުމާ ދެކޮޅަށް އެންމެ ވަރުގަދައަށް ވަކާލާތުކުރުމަށް ފަހު ވެރިކަމަށް އައިސް މިހާރު ފެންނަމުން ދަނީ އެކަންކަމުގައި ފުރިހަމައަށް ބައިވެރިވަމުންދާ މަންޒަަރު ކަމަށެވެ.
އެގޮތުން އެމަނިކުފާނު ވަނީ ކުރިން ވެސް އިންޑިއާ ސަފީރު ރާއްޖޭގެ ކަންކަމަށް ނުފޫޒު ފޯރުވަމުން ދިޔަ އުސޫލުން މިހާރުވެސް އެކަން ހިނގަމުން ދާ ކަމަށެވެ. އެގޮތުން މިހާރުވެސް ދިވެހި ސަރުކާރު ހިނގަމުންދަނީ އިންޑިއާ ސަފާރާއިން އަންގާ އެންގުމާ އެއްގޮތަށް ކަމަށް ރައީސް ޔާމީން ތުހުމަތު ކުރެއްވިއެވެ.
އިހު ކުރި ކަންތައް އެއަށް ވުރެ ސްޕާޓުކޮށް މިހާރު ޗީފު ޑިޕްލޮމެޓް ކުރަމުން ގެންދަނީ،
ރައީސް ޔާމީން
ރައީސް ޔާމީން ވަނީ ކުރި ސަރުކާރުން ހަދާފައި ހުރި އެގްރިމަންޓުތައް ބާތިލުނުކުރާތީވެސް ނުރުހުން ފާޅުކުރައްވާފައެވެ.
