ސަރުކާރުގެ ހާރިޖީ ސިޔާސަތަކީ ހުރިހާ ގައުމަކާ އެކު ވެސް ގާތް ގުޅުމެއް ބޭއްވުން ކަމަށާއި، އިޒްރޭލު ފިޔަވައި އެހެން ގައުމުތަކަކީ ”އަޅުގަނޑުމެންގެ ރަހުމަތްތެރިން“ ކަމަށް ފޮރިން މިނިސްޓަރު މޫސާ ޒަމީރު ވިދާޅުވުމާއި ގުޅިގެން ބޮޑެތި ފާޑުކިޔުންތައް ސަރުކާރަށް އަމާޒުވާން ފަށައިފިއެވެ.
އެގޮތުން، އިޒްރޭލު ޕާސްޕޯޓު މަނާކުރުމަށް ރައްޔިތުންގެ މަޖިލީހުގެ ރައީސް މުޙައްމަދު މުޢިއްޒަށް އެންގިތާ 250 އަށްވުރެ ގިނަ ދުވަސް ވެފައިވާއިރު، އަދި ސަރުކާރުގެ އަމިއްލަ ކެބިނެޓުން މިކަން ނިންމިތާ 2 މަސް ވެފައިވާއިރުވެސް، މިކަން ތަންފީޒު ކުރުމާ ގުޅޭގޮތުން މި ސަރުކާރުން އެއްވެސް ފިޔަވަޅެއް ނާޅާ މޮޅެތި ހެޑްލައިން ހަދަމުންދާތީ އާންމުންގެ ފާޑު ކިޔުން ވަރަށް ބޮޑަށް އަމާޒުވެފައިވެއެވެ.
އިޒްރޭލް ޕާސްޕޯޓް މަނާކުރުމަށް ދިވެހި ރައްޔިތުން ކެނޑިނޭޅި ގޮވަމުންދާއިރު ސަރުކާރުން އަންނަނީ އިޒްރޭލަށް އެންމެ ބޮޑަށް ވާގިވެރިވާ އެމެރިކާއާއި ގާތް ގުޅުން ބާއްވަމުންނެވެ. އަދި އެމެރިކާގެ އިންޒާރުތަކުގެ ބިރަށް މުސްލިމް ގައުމެއް ފަނާވުމަށް ސަރުކާރުން ވަނީ ދޫކޮށްލާފައެވެ.
އިޒްރޭލް ފިޔަވާ އެހެން ހުރިހާ ގައުމުތަކާއި ރަހްމަތްތެރިކަން ގާއިމުކުރާ ކަމަށް މިނިސްޓަރ މިއަދު ވިދާޅުވެ ވަނީ ފަލަސްތީނުގެ ހައްގުގައި ވަކާލާތުކުރަމުންދާ ދިވެހިންނަށް މަލާމާތްކޮށްފައެވެ.
