މާލޭގެ މަސް މާރުކޭޓުން ކަރަންޓް ކަނޑާލިކަމަށް ބުނެ ގިނަ ފަރާތްތަކުން ޝަކުވާކުރަން ފަށައިފިއެވެ.

މީސްމީޑިޔާގައި އާންމުވެފައިވާ ވީޑިޔޯތަކުން ފެންނަ ގޮތުގައި މަސް މާރުކޭޓުން ކަރަންޓް ކަނޑާލާފައި ވުމުން އެ ތަނުގައި ބުރާސްފަތި ދުވަހު މަސް ކަނޑާ، މަހުގެ ވިޔަފާރި ކޮށްފައިވަނީ ކަނު އަނދިރީގައެވެ.

މަސް މާރުކޭޓުގައި މަސައްކަތް ކުރަމުން އަންނަ ފަރާތެއް ކަންބޮޑުވުން ފާޅުކޮށްފައިވާ ވީޑިޔޯ އެއް އެކްސްގައި އާންމު ވެފައިވާއިރު އެ ފަރާތުން ބުނެފައިވަނީ ސަރުކާރުން ޖެއްސުން ކުރަމުން އަންނަ ކަމަށެވެ.

ކަރަންޓް ނެތުމުގެ ސަބަބުން ވަރަށް ގިނަ ކަންކަން ކުރުމަށް ދަތިވާކަމަށެވެ.

އެގޮތުން މަސް ކެނޑުމަށް ދަތިވާ ކަމަށާއި އެތަން ސާފުތާހިރުކުރުމަށް ފެން ވެސް ނުލިބޭ ކަމަށް އެ ފަރާތުން ވަނީ ބުނެފައެވެ.

މިއީ ދުވަހަކުވެސް ހިނގާދިޔަ ކަމެއް ނޫންކަމަށް ވެސް އެ ފަރާތުން ވަނީ ބުނެފައެވެ.