ޓެރަރިޒަމް އަދި ޗައިބާ ކްރައިމްތަކުން ސަލާމަތްވުމަށް އެކި ގައުމުތަކުގެ ގާނޫނު ހަދާ މަޖިލިސްތަކުން ގުޅިގެން މަސައްކަތް ކުރުމަށް ގޮވާލައްވައިފިއެވެ.

ޕާކިސްތާނުގެ ވެރިރަށް އިސްލާމް އާބާދުގައި ކުރިއަށްދާ އިންޓަ ޕާލަމެންޓްރީ ސްޕީކާސް ކޮންފަރެންސްގައި ތަގުރީރި ދެއްވަމުން އަދުރޭ ވިދާޅުވީ އަމާން ކަމާއި ތަަރައްގީއަކީ މިޒަމާނުގައި ވަކި ނުކުރެވޭނެ ދެކަންތައްކަމަށެވެ.

އަދުރޭ މިފަދައިން ވިދާޅުވެފައިވާއިރު އޭނާ ގެންދަވަނީ އޭނާ އަމިއްލައަށް ބައިވެރިވާ ކޮރަޕްޝަންގެ އަމަލުތަކަށް ބީރު ކަންފަތެއް ދެމުންނެވެ. ލޮލަށް އެ އަމަލުތައް ނުފެންނަ ފަދައެވެ.

ކޮރަޕްޝަންގެ އަމަލުތައް މެދުވެރިކޮށް އަމިއްލަ އާއިލާއަށް ގާބިލިއްޔަތެއް ނެތް މިންވަރުން ބޮޑެތި ސިޔާސީ މަގާމުތައް ހޯއްދަވާދެއްވާއިރު މިފަދަ މަގާމުތަކަށް މާ ގާބިލު ރައްޔިތުން ތިބިކަމަށްވެސް އަދުރޭ ފަދަ ބޭފުޅުން ދެއްވަނީ ބީރު ކަންފަތެކެވެ.

އާރާއި ބާރުގެ ބޭނުން ކުރައްވައިގެން ގައުމު ތަމްސީލުކޮށްދެވަން އެމަނިކުފާނުގެ ދަރިކަލުން އަދި ކުރީގެ ޓޫރިޒަމް މިނިސްޓަރު އިބްރާހީމް ފައިސަލް ދެއްވި ތަގުރީރަށް ބީރު ކަންފަތެއް ދިން ފަދައިންނެވެ.

އޭރު އެކަމާ ގުޅިގެން ހަނު ހުންނެވުމަށް ފަހުގައި މިއަދު އަނބިކަނބަލުންނަށް ގޯތި ލިބިވަޑައިގަތުމުން އަދުރޭ އަނެއްކާވެސް ފެންނަނީ އަޑުން އަޑު ނަންގަވާ ސަރުކާރަށް ސަނާ ކިޔުއްވަމުން އަންނަ މަންޒަރެވެ.