59 ވަނަ މިނިވަން ދުވަހުގެ އަދުގެ ރައީސް ޑރ މުހައްމަދު މުއިއްޒު ދެއްވި ހިތާބަށް ޕީއެންއެފްގެ ސެކެޓްރީ ޖެނެރަލް މުހައްމަދު މަލީހް ޖަމާލް ފާޑު ވިދާޅުވެއްޖެއެވެ.
މަލީހް މިފަދައިން ވިދާޅުވީ ދަ ފްރޮންޓް އޮފީހުގައި ބުރާސްފަތި ދުވަހުގެ ރޭ ކުރިޔަށް ދިޔަ ޖަލްސާގައި ވާހަކަފުޅު ދައްކަވަމުންނެވެ.
އެގޮތުން މަލީހް ވިދާޅުވީ ރައީސް މުއިއްޒު މިނިވަން ދުވަހުގެ ހިތާބުގައި ދެއްކެވި ވާހަކަފުޅު އެއްކޮޅުން އަނެއްކޮޅަށް އަޑުއެއްސެވި ކަމަށެވެ.
ރައީސް މުއިއްޒުގެ ވާހަކަފުޅު އަޑު އައްސަވާފައި މަލީހް ވިދާޅުވީ އެ ހިތާބަކީ މިހާތަނަށް ދިވެހިރާއްޖޭގެ ރައީސަކު މިނިވަން ދުވަހު ދެއްވި އެންމެ ފެންވަރު ދަށް، އޭގައި އެއްވެސް އޮއްޓަރެއް ނެތް ހިތާބެއް ކަމަށެވެ.
އެއީ މިހާތަނަށް ދިވެހިރާއްޖޭގެ ރައީސަކު ދެއްކެވި އެއްވެސް ތާކުން ތާކުން ނުޖެހޭ، ދެކޮޅު ނުޖެހޭ އޮއްޓަރެއް ނެތް، އެންމެ ފެންވަރު ދަށް ހިތާބު. އެއީ މިނިވަން ދުވަހާ ގުޅޭ ހިތާބެއް ވެސް ނޫން.
މަލީހް ވިދާޅުވިއެވެ.
މަލީހް ވިދާޅުވީ އެ ހިތާބަކީ މިނިވަން ދުވަހާ އެއްވެސް ވަރަކަށް ގުޅޭ ހިތާބެއް ނޫންކަމަށެވެ.
