އިކޮނޮމިކް މިނިސްޓަރު މުހައްމަދު ސައީދު އިންޑިއާ އިން ރާއްޖެއަށް ކަނޑައަޅުއްވާފައި ހުންނަވާ ސަފީރު މުނޫ މަހާވަރުއާ ބައްދަލު ކުރައްވައިފިއެވެ.
މި ބައްދަލު ކުރެއްވުން ކުރިޔަށް ގެންގޮސްފައި ވަނީ އިކޮނޮމިކް މިނިސްޓްރީގައެވެ.
މިނިސްޓާރ ސައީދު "އެކްސް" ގައި ކުރެއްވި ޕޯސްޓެއްގައި ވިދާޅުވީ މުނޫ މަހާވަރުއާ އެކީގައި ބޭއްވެވި ބައްދަލު ކުރެއްވުމުގައި ރާއްޖެ އާއި އިންޑިއާއާ ދެމެދު އޮންނަ ވިޔަފާރީގެ ގުޅުން އިތުރަށް ބަދަހި ކުރެވޭނެ ގޮތްތަކާ ބެހޭ ގޮތުން މަޝްވަރާ ކުރެއްވި ކަމަށެވެ.
އޭގެ އިތުރުން ސްޓޭޓް ބޭންކް އޮފް އިންޑިއާ (އެސްބީއައި) އާއި ބޭންކް އޮފް މޯލްޑިވްސް (ބީއެމްއެލް) އާ އެކުގައި ވެސް މިފަދަ މަޝްވަރާތަކެއް ކުރިއަށް ދިޔަ ކަން ސައީދު ވަނީ ފާހަގަ ކުރައްވާފައެވެ.
އިންޑިޔާ އާއެކު ގުޅުން ބަދަހި ކުރުމުގެ ނަމުގައި މީގެ ކުރިންވެސް މިނިސްޓާރ ސައީދު ވަނީ އެތައް ފަހަރެއްގެ މަތިން އިންޑިޔާގެ ފައިބުޑަށް ވެއްޓި ސަލާން ޖަހާފައެވެ.
