އިނގިރޭސިވިލާތުގައި ދިރިއުޅޭ އަދި ތިބި ދިވެހިން އެ ގައުމުގައި ހުންނަ ދިވެހި ހައިކޮމިޝަނުގައި ރަޖިސްޓްރީވުމަށް އެދިއްޖެއެވެ.

ހައިކޮމިޝަންގެ ރަސްމީ އެކްސް އެކައުންޓުން ކުރި ޕޯސްޓުގައި ބުނީ އިނގިރޭސި ވިލާތުގައި ދިރިއުޅޭ ހުރިހާ ދިވެހިން [email protected] މެދުވެރިކޮށް ހައިކޮމިޝަނުގައި ރަޖިސްޓްރީވުމަށް އެ ކޮމިޝަނުން އެދޭ ކަމަށެވެ.
އަދި ފޯނު +44 (0)2072242135 ނުވަތަ އީމެއިލް މެދުވެރިކޮށް [email protected] މެދުވެރިކޮށް ހައިކޮމިޝަނަށް ގުޅައި މައުލޫމާތުތައް ސާފުކުރެވޭނެ ކަމަށް ހައި ކޮމިޝަނުން ބުންޏެވެ.

ސައުތުޕޯޓުގައި މުސްލިމުންނާ ގުޅުވައި، އުފެދިފައިވާ ހަމަނުޖެހުމާ ގުޅިގެން ދިވެހިން ސަމާލުވެ ތިބުމަށް މީގެ ކުރިން ވެސް ހައި ކޮމިޝަނުން އެދިފައިވެއެވެ.

އިނގިރޭސިވިލާތުގައި ހަމަނުޖެހުމެއް އުފެދިފައިވަނީ އެ ގައުމުގެ ހުޅަނގު އުތުރުގައި ހިމެނޭ ސައުތްޕޯޓުގައި ހިނގި ކުޑަކުދިންގެ ޑާންސް އަދި ޔޯގާ ކްލާހަކަށް ވަޅިން ހަމަލާދިނުމުގެ ހިތާމަވެރި ހާދިސާގައި ކުޑަ ކުދިންތަކެއް މަރުވުމާއި ގުޅިގެންނެވެ. އެކަމާ ގުޅިގެން މުސްލިމުންނާ ދެކޮޅަށް ވަނީ ސިލްސިލާ މުޒާހަރާތަކާއި ހަރަކާތްތަކެެއް ފެށިފައެވެ.