އީރާނުގެ ހަމަލާއިން އިސްރާއީލު ދިފާއު ކުރަން މުސްލިމް ހަތް ގައުމަކުން ނުކުންނާނެ ކަމަށް އިސްރާއީލުގެ ކަން ޕަބްލިކް ބްރޯޑްކާސްޓާއިން ހާމަކޮށްފިއެވެ.
އިސްރާއީލު ދިފާއު ކުރާ ކޯލިޝަންގައި ހިމެނޭ މުސްލިމް ގައުމުތަކަކީ ސައުދި އަރަބިއްޔާ، ގަތަރު، މިސްރު، އުރުދުން، އެކުވެރި އަރަބި އިމާރާތް އަދި ބަހުރާން ކަމަށް މައުލޫމާތު ލިބިފައިވެެެއެވެ. މި ކޯލިޝަންގައި ހިމެނޭ ހުޅަނގު ގައުމުތަކަކީ ފްރާންސް، އެމެރިކާ އަދި އިނގިރޭސިވިލާތެވެ.
އެމެރިކާއިން ބުނީ އިސްރާއިލަށް އީރާނުން ދޭން އުޅޭ ހަމަލާއަށް އިސްރާއިލުން ވަރުގަދަ ރައްދެއް ނުދިނުމަށް އެމެރިކާއިން އިސްރާއިލަށް އަންގާފައިވާ ކަމަށެެވެ.
ނިރުބަވެރި އިސްރާއީލުގެ އަސްކަރިއްޔާއިން އީރާނުގައި ފަލަސްތީނުގެ މިނިވަން ކަމަށް މަސައްކަތް ކުރާ ހަމާސް ޖަމާއަތުގެ ލީޑަރު، އިސްމާއީލް ހާނިއްޔާ އަވަހާރަ ކޮށްލި މައްސަލައިގައި އީރާނުން އިސްރާއިލަށް ހަމަލާދޭނެ ކަމަށް ވަނީ ބުނެފަައެވެ.
އީރާނުގެ އިތުރުން، އިސްރާއީލަށް ދެން ހަމަލާތައް އަތުވެދާނެ ކަަމަށް ބެލެވެނީ ފަލަސްތީނުގެ ޣައްޒާ އިންނާއި ދެކުނު ލުބުނާނުންނާއި ސީރިއާގެ އިތުރުން ޔަމަނުގެ ހޫތީންގެ ފަރާތުންނެވެ.
