2022 ވަނަ އަހަރު ހިނގާދިޔަ ޔޯގާ ޑޭ އިވެންޓްއާއި ގުޅިގެން ހައްޔަރުކުރި ފަރާތްތަކުގެ އަޑުއެހުންތައް މިމަހު ފަހުކޮޅަށް ތާވަލުކުރުމާއި ގުޅިގެން އާންމުން ނުރުހުން ފާޅުކުރަން ފަށައިފިއެވެ.
މިގޮތުން މިއީ ޕްރޮސެކިއުޓަރ ޖެނެރަލް ޝަމީމްގެ އެންގެވުމަށް ނިންމެވި ފިޔަވަޅެއް ކަމަށް ގިނަ ފަރާތްތަކުން އަންނަނީ ބުނަމުންނެވެ.
ވާނުވާ ބަންދުގައި ތިބި ފަރާތްތައް ދޫކޮށްލުމަށް އެދި އަނެއްކާވެސް މުޒާހަރާތައް ފަށާފައިވަނިކޮށް މިފަދައިން ސަރުކާރުން ނިންމެވުމުން މިއީ ސަރުކާރުން ރާވައިގެން ކުރާ ކަމެއް ކަމަށާއި، ރައީސް ޑރ މުއިއްޒު ހުންނަވަނީ ޝަމީމްގެ ދަށުވެފައި ކަމަށް މި ފަރާތްތަކުން ބުނަމުންދެއެވެ.
ވާނުވާގައި ތިބި ފަރާތްތަކުގެ މައްސަލަތައް އަވަސްކޮށް ޝަރިއަތް ހިންގުން އަވަސްކުރައްވާ މި ފަރާތްތައް ދޫކޮށްލުމަކީ ރައީސްގެ ވައުދަކަށް ވާއިރު، މިފަދައިން ބަންދުގައި ތިބި ފަރާތްތަކުގެ ޝަރީއަތް އަދިވެސް ވަކި ކޮޅެއްގައި ނުޖެހި ދަނީ ލަސްވަމުންނެވެ.
މީގެ އިތުރުން، ޕީޖީ ޝަމީމް މަގާމުގައި މިހާރުވެސް ހުރުމާއި ގުޅިގެން މީގެ ކުރިންވެސް އިދިކޮޅު ފަރާތްތަކުންނާއި ސަރުކާރަށް ތާއީދުކުރާ ފަރާތްތަކުން ހިތްހަމަނުޖެހުން ފާޅުކޮށްފައިވެއެވެ.
