ރައީސް ޔާމީން އިސް ނަންގަވައިގެން އަދި ހުދު އަދުގެ ރައީސް ވެސް އިސް ސަފުގައި ހުންނަވާ އިންޑިޔާ ސިފައިން މި ގައުމުގައި ތިބުމާ ދެކޮޅަށް ކުރިޔަށް ގެންދިޔަ "އިންޑިޔާ އައުޓް" ހަރަަކާތް މި ސަރުކާރުގައި ކުރިޔަށް ގެންދަން ޖާގަ ނުދެއްވާނެ ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.

މާލެ ސިޓީ ކައުންސިލާ ބައްދަލުކުރުމަށްފަހު މީޑިޔާ އަށް ދެއްވި އިންޓަވިޔުގައި އެމަނިކުފާނު ވިދާޅުވީ ދިވެހި ސަރުކާރުގެ ހާރިޖީ ސިޔާސަތާ ހިލާފު އެއްވެސް ކަމެއް ހިންގުމުގެ ޖާގަ ނުދެއްވާނެކަމަށެވެ.

އެގޮތުން އިންޑިޔާގެ ސިފައިން މިހާރު ފޮނުވާލެވިފައި ވާނެ ކަމަށް ރައީސް މުއިއްޒު ވިދާޅުވި އެވެ. ނަމަވެސް މިއީ އެއްވެސް ހަގީގަތެއް އޮތް ކަމެއް ނޫނެވެ. އެއީ ސަރުކާރުން އެ ބުނާ މަދަނީން އަކީ އިންޑިޔާގެ އަސްކަރިއްޔާގެ ބައެއް ކަމަށް ހެކިތަކުން ބުނެދެއެވެ.

މި ގައުމުގައި އިންޑިޔާ ސިފައިން ނެތް ކަމަށް ބުނެ ރައީސް މުއިއްޒު ވަނީ އޭރު އިދިކޮޅުގައި އޮވެ ބާތިލް ކުރަން ގޮވާލި އިންޑިޔާ އައުޓް ގަރާރު ބާތިލް ކުރާނެތޯ ކުރި ސުވާލަށް ޖަވާބު ދިނުމަށް އުޒުރުވެރިވެ ވަޑައިގެންފައެވެ.

ފެންނަމުން ދަނީ ކުރިން ކީހާ ޅެން ފަރިއްސައް ހަދަމުންދާ މަންޒަރެވެ. އެގޮތުން މި ސަރުކާރު އައި ފަހުން އިންޑިޔާ އަށް ބަރޯސާ ނުވެ ކަންކަން ނިންމަވާނެ ކަމަށް ރައީސް މުއިއްޒު ވިދާޅުވި އެވެ.

ނަމަވެސް މިހާރު ފެނިގެންދަނީ އިންޑިޔާގެ ފައި ބުޑަށް ވެއްޓި ނާށިގަނޑު ހިއްޕަވައިގެން ސަލާން ޖަހާ މަންޒަރެވެ.