އަންނަ އަހަރު ބޯހިޔާވަހިކަމުގެ ޕްރޮޖެކްޓެއް ނުފަށައިފިނަމަ އޭގެ ފޮނި މީރުކަން މި ދައުރުގައި ރައްޔިތުންނަށް ނުދެވޭނެ ކަމަށް އެމްޑީޕީގެ ޕާލަމަންޓްރީ ގްރޫފްގެ ލީޑަރު އަދި ހިތަދޫ ދެކުނު ދާއިރާގެ މެމްބަރު އިބްރާހިމް ނާޒިލް ވިދާޅުވެއްޖެ އެވެ.

ނާޒިލް މިފަދައިން ވިދާޅުވެފައި ވަނީ ރާއްޖެ ޓީވީގެ ޕްރޮގްރާމެއްގައި ވާހަކަ ދައްކަވަމުންނެވެ.

އެގޮތުން އޭނާ ވަނީ ސަރުކާރަށް ނުވަ މަސްވީ އިރު ކުރެވުނީ ކީއްތޯ އައްސަވާފައެވެ.

ހަމަ އެގޮތައް ބޯހިޔާވަހިކަމޭ ކިޔާފައި ސަރުކާރަށް ކުރެވުނު އެއްކަމެއް ވެސް އެބައޮތްތޯ ވެސް އޭނާ އެއްސެވި އެވެ.

ނާޒިލް ވިދާޅުވީ މި ސަރުކާރުން ވެރިކަމާ ހަވާލުވީ ކީއްކުރަން ކަމެއް ވެސް އެނގިވަޑައި ނުގަންނަވާ ކަމަށެވެ.

މާލޭ ސަރަހައްދުން ދޫކޮށްފައިވާ ގޯއްޗާއި 4000 ފްލެޓްގެ ކަންކަން މަޑުޖެހި މިހާ ހިސާބަށް ދާން ޖެހުނީވެސް ސަރުކާރުގެ އެއްވެސް އިހުލާސްތެރިކަމެއް ނެތުމުން ކަމަށް ވިދާޅުވެ ނާޒިލް ވަނީ ސަރުކާރަށް ފާޑުވިދާޅުވެފަ އެވެ.