ހުޅުމާލެ ފޭސް އެކެއްގައި 12 ބުރީގެ ވަގުފް އިމާރާތެއް އަޅައިދޭނެ ބަޔަކު ހޯދަން އިސްލާމިކް މިނިސްޓްރީން ބުރާާސްފަތި ދުވަހު އިއުލާނުކޮށްފި އެވެ.

މިކަން އިއުލާންކޮށްފައި ވަނީ އިސްލާމިކް މިނިސްޓްރީން ގެޒެޓު ކުރި އިއުލާނުގައެވެ.

އެ އިއުލާންގައި ބުނެފައި ވަނީ ވަގުފު އިމާރާތް ތަރައްގީ ކުރާނީ އޮފީސް ބިލްޑިންގެއް ގޮތުގައި ކަމަށެވެ.

އެތަނަށް ކިޔާނީ "ދާރުއްސަލާމް" ކަމަށް ވެސް އެ މިނިސްޓްރީން ވަނީ ބުނެފައެވެ. އިމާރާތް އަޅަންޖެހޭނީ ކޮންޓްރެކްޓަރު ފައިނޭންސް އުސޫލުންނެވެ.

އެކަމުގެ ޕްރީ-ބިޑް ބައްދަލުވުން އޮންނަނީ އޯގަސްޓު 26، ގައި ކަމަށާއި އަދި ބިޑުތައް ރަސްމީކޮށް ހުށަހަޅަންޖެހެނީ ސެޕްޓެމްބަރު 8، ގައި ކަމަށް ވެސް އެ މިނިސްޓްރީން ވަނީ ބުނެފައެވެ.

މިކަން ކުރާ ވާހަކަ އިސްލާމިކް މިނިސްޓަރު މުހައްމަދު ޝަހީމް އަލީ ސައީދު ވަނީ މިދިޔަ އަހަރުގެ ނޮވެމްބަރު ގައި ވެސް ވިދާޅުވެފަ އެވެ.