ޓޫރިޒަމް މިނިސްޓަރ އިބްރާހިމް ފައިސަލް، ކުރީގެ ޔޫތް މިނިސްޓަރ އަދި ޕީއެންއެފްގެ ސެކެޓްރީ ޖެނެރަލް މުހައްމަދު މަލީހު ޖަމާލްއަށް ކުރި ތުހުމަތުތައް ދޮގުކޮށްފިއެވެ.

ވަގުތު ނޫހަށް ފައިސަލް ދެއްވި އިންޓަވިއުއެއްގައި ފައިސަލް ވަނީ ފައިސަލް މިއަދު ހުންނެވި މަގާމަށް އައުމުގެ ކުރިން ކޮށްފައިވާ ވަނީ ވަރަށް ހިތި ތަޖުރިބާއެއް ކަމަށް ވިދާޅުވެ އިތުރުފުޅު ހައްދަވާފައެވެ.

ފައިިސަލް ވިދާޅުވީ، ނުވަ މަސް ވަންދެން މިނިސްޓަރ އިންނެވި ކެބިން އިން ނެރެ، މަސައްކަތް ކުރާނެ ތަނެއް ނުދީ، ޕްލާސްޓިކް ގޮނޑިއެއްގައިި ބޭންދި ކަމަށެވެ.

އަދި މަލީހު އެގޮތަށް އަމަލު ކުރެއްވި ސަބަބެއް މިއަދާ ހަމައަށް ވެސް ސާފު ނުވާ ކަމަށެވެ.

ފައިސަލްގެ މި ވާހަކައަށް ރައްދު ދެއްވަމުން މަލީހް ވިދާޅުވީ އޭރު ޔޫތު މިނިސްޓްރީގައި ޕްލާސްޓިކް ގޮނޑި ނުހުންނާނެ ކަމަށެވެ.

ފައިސަލް އިންނެވީ ފައިވް ސްޓާ ގޮނޑި އެއްގައި ކަމަށާއި ރައީސް އޮފީހުން ނޯ ޕޭ ލީވް ހޯދަވައިގެން މެލޭޝިއާ އެމްބަސީ އަށް ވަޑައިގެން ސަރުކާރުގެ ލާރީގައި ވަރަށް އަގުބޮޑު އައިނެއް ހެއްދެވި ޚަބަރު ލިބުން ކަމަަށް ވެސް މަލީހް ވިދާޅުވި އެވެ.

މަލީހްގެ ވާހަކަތަކުން ހާމަވެގެންދިޔައީ ފައިސަލް ހެއްދެވީ ދޮގެއްކަމެވެ.