18 އޮގަސްޓު 2024 ވާ އާދިއްތަ ދުވަހުގެރޭ ޕީޕަލްސް ނެޝަނަލް ފްރޮންޓުން ބާއްވާ ޚާއްސަ ޖަލްސާ ޗެނަލް 13އިން ލައިވް ކުރާނެ ކަން ހާމަކޮށްފިއެވެ.

ޗެނަލް13ގެ އަޕްގްރޭޑިން މަސައްކަތަކަށް އެ ޓީވީ ސްޓޭޝަންގެ ބްރޮޑްކާސްޓިން 6 ދުވަހަށް މެދު ކަނޑާލުމަށް ފަހު މާދަމާ ޓްރާންސްމިޝަން ފަށާނެ ކަމަށް އެ ޓީވީ ސްޓޭޝަންގެ ސީއީއޯ އިސްމާއިލް ސޮފްވާން ވަނީ ހާމަކޮށްފައެވެ.

ތޭރަ އޮންލައިނަށް މައުލޫމާތު ދެއްވަމުން ސޮފްވާން ވިދާޅުވީ، މާދަމާ ޓްރާންސްމިޝަން އަލުން ފެށިގެން ދާއިރު އިތުރު ކޮންޓެންޓުތައް ވެސް އެ ޓީވީ ސްޓޭޝަންއިން ގެނެސްދޭނެ ކަމަށެވެ. އަދި ފްރޮންޓު އޮފީހުގައި މާދަމާ ރޭ ބާއްވާ ޖަލްސާވެސް ލައިވް ކުރާނެ ކަމަށް ސޮފްވާން ވަނީ ވިދާޅުވެފައެވެ.

މާދަމާ ރޭގެ ޖަލްސާގައި ރައީސް އަބްދުﷲ ޔާމީން ބައިވެރިވަޑައިގަންނާވާނެ ކަމަށް ޕީއެންއެފުން ވަނީ ހާމަކޮށްފައެވެ.