ސަރުކާރުން އައްޔަން ކުރައްވާފައިވާ 22 ވަޒީރުންނަށް ރުހުން ދިނުމާއި ގުޅޭ ގޮތުން ނަގާ ވޯޓު 1:30 ގައި ނެގުމަށް ނިންމައިފިއެވެ.

ގިނަ ދުވަސްތަކަކަށް ރުހުން ހޯދުމުގެ މައްސަލަ ކުރިއަށް ނުގެންގޮސް، މިއަދު ދައުރުން ބޭރުގައި ބާއްވާ ފުރަތަމަ ޖަލްސާގައި މިކަމަށް މެމްބަރުން ވަނީ ބަހުސް ކުރައްވާފައެވެ.

ވަޒީރުންނަށް ރުހުން ދިނުމާއި ގުޅޭ ގޮތުން ބަހުސް ކުރެއްވުމަށް 30 މިނެޓުގެ ވަގުތެއް ރިޔާސަތުން ދެއްވާފައިވާއިރު، ބަހުސްގެ ފުރުސަތު ހޯއްދެވި 7 މެމްބަރުންގެ ތެރެއިން ރުހުން ނުދޭން ވާހަކަ ދައްކަވާފައިވަނީ މެދު ހެންވެއިރު ދާއިރާގެ މެމްބަރު އަލީ އާޒިމް އާއި ހޯރަފުށީ ދާއިރާގެ ސަލީމް އެކަނިކަން ފާހަގަކޮށްލެވެއެވެ.