ރައްޔިތުން މަޖިލީހުގެ ރައީސްގެ ރަސްމީ ގެކޮޅު ކަމަށްވާ، މ. މުރައިދޫ މަރާމާތު ކުރަން މި އަހަރު އެއްވެސް ހަރަދެއް ކޮށްފައިނުވާނެ ކަމަށް ބުނެ މަޖިލީހުގެ އިދާރާއިން ދޮގުހަދައިފި އެވެ.
މި އަހަރު މުރައިދޫ މަރާމާތުކުރީ 20 ވަނަ މަޖިލީހުގެ ރައީސް އަބްދުއްރަހީމް އަބްދުﷲ (އަދުރޭ) އެގެޔަށް ބަދަލުވެވަޑައިގަތުމަށެވެ.
އެ މަސައްކަތަށް ގާތްގަނޑަކަށް މަހެއްހާ ދުވަސް ހޭދަވިއިރު އަދުރޭ މުރައިދޫއަށް ބަދަލުވެވަޑައިގެންނެވީ ޖުލައި 26 ގަ އެވެ.
މުރައިދޫގެ މަރާމާތައް ދިޔަ ހަރަދު ހޯދުމަށް މައުލޫމާތު ހޯދާ ލިބިގަތުމުގެ ހައްގުގެ ގާނޫނުގެ ދަށުން "އަދަދު" ނޫހުން ހުށަހެޅުމުން މަޖިލީހުން ބުނީ މުރައިދޫ މަރާމާތު ކުރަން މި އަހަރު އެ އިދާރާއިން އެއްވެސް ހަރަދެއް ކޮށްފައި ނުވާނެ ކަމަށެވެ.
ނަމަވެސް، އަދުރޭ އެ ގެއަށް ބަދަލުވެވަޑައިގަތުމުގެ ކުރިން މުރައިދޫ ވަނީ މަރާމާތުކޮށްފައިކަން އެ ގޭގެ ބޭރުން ވެސް ފާހަގަކޮށްލެވެ އެވެ.
