23 އޯގަސްޓް 2024 ވާ ހުކުރު ދުވަހު އިސްލާމީ މަރުކަޒުގައި އިމާމުވެ ހުކުރުނަމާދުކުރައްވާނީ މައްކާގެ ޙަރަމްފުޅުގެ ފަތުވާ ކޮމިޓީގެ މެންބަރު ޕްރޮފެސަރޑރ.ޙަމްދާން އައްސުލަމީ ކަމަށް އިސްލާމިކް މިނިސްޓްރީން ހާމަކޮށްފިއެވެ.

ހުކުރު ދުވަހުގެ ޚުޠުބާ ދެއްވާނީ ޢަރަބި ބަހުން ކަމަށާއި ޚުޠުބާގެ ލައިވް ދިވެހިތަރުޖަމާ ޓީވީތަކުން ގެނެވޭނެ ކަމަށްވެސް އެ ވުޒާރާއިން ހާމަކޮށްފައިވެއެވެ.

އިސްލާމީ މަރުކަޒުގައި އެންމެ ފުރަތަމަ ޢަރަބި ބަހުން ޚުޠުބާއެއް ދެއްވާފައިވަނީމަރުކަޒު ހުޅުވުމުގެ ރަސްމިއްޔާތުގަ މިޞްރުގެ ޝައިޚުލްއަޒްހަރު ފަޟީލަތުއްޝައިޚުޖާދަލްޙައްޤު ޢަލީ ޖާދަލްޙައްޤުއެވެ.

މަރުކަޒު ހުޅުވުމުގެ ރަސްމިއްޔާތުގައި މައްކާގެ ޙަރަމްފުޅުގެ އިމާމު ފަޟީލަތުއްޝައިޚުސުބައްޔިލް ވެސް ބައިވެރިވެވަޑައިގެންނެވި ކަމަށް މައުލޫމާތު ހޯދިފައިވެއެވެ.

މިއަހަރު ނޮވެމްބަރު 11 އަށް އިސްލާމީ މަރުކަޒު ހުޅުވިތާ 40 އަހަރުވާނެއެވެ.އިސްލާމީ މަރުކަޒަށް 40 އަހަރު ފުރޭ މުނާސަބަތާ ގުޅިގެން ޚާއްޞަ ޙަފްލާއެއް ބާއްވަންރައީސް ޑރ މުއިއްޒުވަނީ އިރުޝާދު ދެއްވާފައެވެ.