ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރުގެ މަގާމަށް މުހައްމަދު ސައީދު އައްޔަންކުރަށްވައިފި އެވެ.

ސައީދު އެ މަގާމަށް އައްޔަނު ކުރައްވާފައި ވަނީ ކުރިން އެ މަގާމުގައި ހުންނެވި ޒީނާ ޒާހިރު މަގާމުން އިސްތިއުފާ ދެއްވުމާއި ގުޅިގެންނެވެ.

ޕަބްލިކް ސާވިސް މީޑިއާ (ޕީއެސްއެމް) ކުންފުނީގެ މުވައްޒަފުންނަށް ފޮނުވި އިންޓާނަލް ނޯޓިސް ގައި ބުނެފައިވަނީ ކުންފުނީގެ ޑިރެކްޓަރުންގެ ބޯޑް މެމްބަރު ކަމާއި މެނޭޖިން ޑިރެކްޓަރު ކަމަށް ގ. ދިލްކަޝް މުހައްމަދު ސައީދު ޕީސީބީން އައްޔަނު ކުރައްވާފައިވާ ކަމަށެވެ.

ސައީދު ވަނީ އެޑިއުކޭޝަން މިނިސްޓްރީގެ އިސް މަގާމެއް ވަރަށް ދިގު މުއްދަތަކަށް އަދާކުރައްވާފައެވެ. އެންމެ ފަހުން ހުންނެވީ ސިޓީ އިންވެސްޓްމަންޓްގެ ޖެނެރަލް މެނޭޖަރުގެ މަގާމުގައިކަން ފާހަގަކޮށްލެވެ އެވެ.