މި ސަރުކާރުން ހައްލު ކުރަން ބުނި ޑޮލަރުގެ މައްސަލަ ހައްލު ނުވެ، އެމެރިކާ ޑޮލަރުގެ އަގު ކަޅު ބާޒަރުގައި 20ރ އަށްވުރެ މައްޗައް އަރައިފި އެވެ.
"ތޭރަ އޮންލައިން" އަށް މައުލޫމާތު ދެމުން ޑޮލަރުގެ ބާޒާރު ކުރާ ފަރާތެއް ބުނީ ޑޮލަރުގެ އަގު އުފުލެން ފަށާފައިވަނީ ބީއެމްއެލްއިން ރުފިޔާ ކާޑުތަކަށް ޑޮލަރުގެ ހިދުމަތް ދިނުން ހުއްޓާލައި ޑޮލަރު އެކައުންޓުތަކުން ޑޮލަރު ނެގޭ ލިމިޓު ކުޑަކުރަން ނިންމުމާއި ގުޅިގެންނެވެ.
އެހެން ނަމަވެސް ބީއެމްއެލް އިން ވަނީ މިހާރު އެ ނިންމުން އަނބުރާ ގެންގޮސްފައެވެ.
ތޭރަ އޮންލައިން އަށް މައުލޫމާތު ލިބުނުގޮތުގައި ކަޅު ބާޒާރުގައި އިއްޔެއާއި މިއަދު ހެނދުނު ޑޮލަރުގެ އަގު އުޅުނީ 18ރ އާއި 18.30 އާއި ދެމެދުގައެވެ.
އެހެންނަމަވެސް ބޭންކުގެ ނިންމުން އިއުލާން ކުރުމާއިއެކު އަގު ވަނީ 18.50ރ އާއި 18.80ރ އާއި ދެމެދަށް އުފުލިގެން ގޮސްފައެވެ.
އެހެންކަމުން މިވަގުތު ކަޅު ބާޒާރުގައި ޑޮލަރު ލިބެން ހުރީ 22.50ރ އާއި 23ރ އާއި ދެމެދުގެ އަގެއްގައެވެ.
ޑޮލަރުގެ އަގު އުފުލުނީ ޑޮލަރުގެ އަގު އުފުލިގެން އުޅެން ދެން ނުޖެހޭނެ ކަމަށާއި ދެން ފެންނާނީ ޑޮލަރުގެ އަގު ހެޔޮވަމުން ދާތަން ކަމަށް ރައީސް ޑރ. މުހައްމަދު މުއިއްޒު ވިދާޅުވިތާ މާގިނަ ދުވަސް ނުވަނީސް އެވެ.
އަދި ހަމައެޔާއެކު ކުރިޔަށް އޮތް ދެތިން މަހެއްގެ ތެރޭގައި ޑޮލަރުގެ މައްސަލަ ހައްލުވާނެ ކަަމަށް އިކޮނޮމިކް މިނިސްޓާރ މުހައްމަދު ސައީދު ވިދާޅުވި ފަހުންވެސް މިހާރު މި ވަނީ 8 ވަރަކަށް މަސް ވެފައެވެ.
ސަރުކާރަށް ވައުދު ނުފުއްދެވި ފެނިގެން މިދަނީ ދުވަހެއް ދުވަހަކަށް ޑޮަލަރުގެ އަގު ބޮޑުވެގެެންދާ މަންޒަރެވެ.
