Adhurey Ah Ran Farubadha Eh Havaalu Kuriyas 5 Aharuge Thereygai Vas Ves Filuvaalaane: Maleeh

މަޖިލިސް ރައީސްގެ މަގާމުގައި ހުރި އަބްދުއްރަހީމު އަބްދުﷲ (އަދުރޭ) އަކި ފައިސާއަށް ހިޔާނާތްތެރިވާނެ މީހެއްގެ ގޮތުގައި، ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ސިފަކުރައްވައިފިއެވެ.

މަލީހު އެކްސްގައި ކުރެއްވި ޕޯސްޓެއްގައި ވިދާޅުވީ، އަދުރޭއަށް ރަން ފަރުބަދައެއް ހަވާލުކުރިޔަސް 5 އަހަރު ދުވަހުތެރޭ އެހިސާބުގަވެސް ރަނުގެ ވަސްވެސް ނިޝާނެއްެވެސް ނުބަހައްޓާނެކަމަށެވެ.

އަދުރޭއަށް ރަން ފަރުބަދައެއް ހަވާލުކުރިޔަސް 5 އަހަރު ދުވަހުތެރޭ އެހިސާބުގަވެސް ރަނުގެ ވަސްވެސް ނިޝާނެއްެވެސް ނުބަހައްޓާނެ. ދިވެހިންނަށް އަދުރޭ ނޯޅޭ. ފެއްޓީ ޓިނުން. މިހާރު ޖާހިލަކަސް ތިމަންނާޔަކީ މަޖިލިސް ރައީސް ނޫންހޭ އެބަ ބުނޭ. ކަމަދޫ މީހުން ކިޔަނީ ތިޔައީ ހުނިގޮނޑި ރައީސް އޭ. pic.twitter.com/h8XREHzCif
— Mohamed Maleeh Jamal (@maleehjamal) August 28, 2024

މީގެ އިތުރުން ދިވެހިންނަށް އަދުރޭ ނޯޅޭކަމަށް ވިދޅާުވެ މަލީހު އިތުރަށް ވިދާޅުވެފައިވަނި އަދުރޭގެ ވައްކަމުގެ ސިލްސިލާ ފެއްޓީ ޓިނުން ކަމަށެވެ. އަދި ތިމަންނާ އަކީ ޖާހިލަކަސް މިހާރު ތިމަންނާޔަކީ މަޖިލިސް ރައީސް ނޫންހެއްޔޭ ބުނެ އަދުރޭ ބައިސާ ކަނޑަމުންދާއިރު އަދުރޭއަށް ބ އަތޮޅު ކަމަދޫ މީހުން ކިޔައި އުޅެނީ ހުނިގޮނޑި ރައީސް އޭ ކަމަށްވެސް މަލީހު ވަނީ ވިދާޅުވެފައެވެ.

މަލީހު މިފަދައިން ވިދާޅުވެފައިވާއިރު، އަދުރޭ ގެންދަނި އޭނާއަކީ މޮޅު މީހެއް ކަމަށް ބުނެ މެޑަލް ޖަހަމުންނެވެ. އަދި އޭނާއަކީ ނުކިޔަވާ ހުރި މީހެއް ކަމަށް ގިނަ ބަޔަކު ބުނަމުންދާ ދިއުމަށް އޭނާ ދަނީ އަދަބު ކުޑަކޮށް ރައްޔިތުންނާ ޖަދަލު ކުރަމުންކަން ފާހަގަކޮށްލެވެއެވެ.