އިންޑިއާގެ ގުޖުރާތު ސްޓޭޓަށް ބޯކޮށް ވާރޭވެހި ފެންބޮޑުވުމުގެ ސަބަބުން ފާއިތުވި ތިން ދުވަހުގެ ތެރޭގައި 28 މީހުން މަރުވެއްޖެއެވެ.

އިންޑިއާގެ ކަމާއި ބެހޭ އިދާރާތަކުން ބުނީ މީގެ ތެރެއިން ބައެއް މީހުން ގެނބިގެން މަރުވިއިރު، ގަސްތައް ގައިމައްޗަށް ވެއްޓުމުގެ ސަބަބުން ބައެއް މީހުން މަރުވެފައިވާ ކަމަށެވެ.

ހުޅަނގު އައްސޭރިފަށުގެ ސްޓޭޓަށް މިއަދު އިތުރަށް ބޯކޮށް ވާރޭ ވެހޭނެ ކަމަށް މޫސުމާ ބެހޭ ގައުމީ އިދާރާއިން ވަނީ ލަފާކޮށްފައެވެ.

މި ވިއްސާރައިގެ ސަބަބުން ކޯރުތައް ފުރިގެން ބަންޑުންވެ، 30،000 އަށް ވުރެ ގިނަ މީހުން ވަނީ ގެދޮރު ދޫކޮށް ގޮސްފައެވެ.

ރޭ ސްޓޭޓް ސަރުކާރުން ބުނީ ގެނބިގެން 13 މީހަކު މަރުވެފައިވާ ކަމަށާއި ބާކީ ތިބި މީހުން މަރުވެފައިވަނީ ގެތައް ނުވަތަ ގަސްތައް ވެއްޓުމުގެ ސަބަބުން ކަމަށެވެ.

އިންޑިއަން އެކްސްޕްރެސް ނޫހުން ބުނީ އެ ސްޓޭޓްގެ އެކި ކަންކޮޅުތަކުގައި މިހާތަނަށް 35 މީހުން މަރުވެފައިވާ ކަމަށެވެ.

އަދި މި ވިއްސާރައާ ގުޅިގެން ކުރިއަަށްދާ ރިލީފް އޮޕަރޭޝަންތަކުގައި ހަރަކާތްތެރިވާ އަސްކަރިއްޔާގެ އޮފިޝަލުން ވެސް ވަނީ 1،800 އަށްވުރެ ގިނަ މީހުން ސަލާމަތް ކޮށްފައެވެ.

މި ވިއްސާރައިގައި އެންމެ ބޮޑަށް ގެއްލުން ލިބުނީ ވަޑޯދްރާއަކީ ސިޓީއަށެވެ.

އަދި މި ވިއްސާރައިގެ ސަބަބުން ކަރަންޓުގެ ކަނެކްޝަންތަކަށް ވަރަށް ބޮޑަށް ބުރޫ އަރާފައިވާއިރު، ގާތްގަނޑަކަށް 1،000 އަވަށަކުބް ކަރަންޓު ކެނޑިގެން ދިޔައެވެ.