މަޖިލިސް ރައީސް، އަދި ޕީއެންސީގެ ޗެއަރޕާސަންގެ މަގާމުގައި ހުރި އަދުރޭގެ ބައިވެރިވުން އޮތް މި ސަރުކާރާ ދެކޮޅަށް ބަގާވާތްކުރުމުގެ ވިސްނުން އޭނާގެ އެބަހުރި ކަމަށް ގަނޫނީ ވަކީލު އަލްއުސްތާޛު އަލީ ޝާހު ވިދާޅުވެއްޖެއެވެ.
ޝާހު މިފަދައިން ވިދާޅުވީ، ބުރާސްފަތި ދުވަހުގެރޭ ކުރިއަށް ދިޔަ ޖަލްސާގައި ވާހަކަ ދައްކަވަމުންނެވެ.
ޝާހު ވިދާޅުވީ، އަދުރޭ ގެންދަވަނީ ސަރުކާރު ދެމެހެެްޓެމުގެ ނަމުގައި ސަރުކާރު ފަލީހަތްކޮށް ރައީސް މުހައްމަދު މުއިއްޒުވެސް ފަލީހަތް ކުރަމުން ކަމަށެވެ.
އެގޮތުން މިހާރު އަދުރޭގެ ސިކުނޑީގައި އުނިކަމެެއް ހުރި ފަދަ ކަންކަން ހާމަވަމުން ދާ ކަމަށްވެސް ޝާހު ވިދާޅުވިއެވެ.
ޝާހު ވިދާޅުވީ އަދުގެ ސަރުކާރުގައި ރައްޔިތުންނަށް ހިދުމަތްކޮށްދިނުމުގެ ހެޔޮ ނިޔަތް ނެތްކަމަށް މަންޒަރުތަކުން ދޭހަވާ ކަމަށެވެ. އެގޮތުން ބޭންކް އޮފް މޯލްޑިވްސް އިން ނިންމި ނިންމުމެއް ފުރޮޅާލަން ރައީސް އޮފީހުގައި ތިބި ވަޒީރުންނާ ރައީސް މުއިއްޒު އުޅުއްވިކަން ހާމަވަނީ ކެބިނެޓުގެ ވަޒީރުންގެ އިއުތިރާފުން ކަމަށެވެ.
ނަމަވެސް ތެދުވެރިކަމާ އެކު ރައްޔިތުންނަށް ޚިދުމަތްކޮށްދޭ ނަމަ ވެރިކަމުގެ ބާރުތައްގެ ޗެކް އެންޑް ބެލެންސް ގެންގުޅެންވާނެ ކަމަށް ޝާހު ވިދާޅުވިއެވެ.
