ކުރީ ސަރުކާރުގައި ފެނަކަ ފަދަ ކުންފުނިތަކުން ވަޒީފައި ދީފައި ވަނީ ރަށްރަށުގައި މަހަށްދާން ތިބި ފަރާތްތަކަށް ކަމަށް މިހާރުގެ އިކޮނޮމިކް މިނިސްޓަރ މުހައްމަދު ސައީދު ވިދާޅުވެއްޖެ އެވެ.

ސައީދު މިފަދައިން ވިދާޅުވެފައި ވަނީ އާދިއްތަ ދުވަހުގެ ހަވީރު ރައީސް އޮފީހުގައި ކުރިޔަށްދިޔަ ނޫސްވެރިންގެ ބައްދަލުވުމުގައެވެ.

އެގޮތުން އަދިއްތަ ދުވަހު އޮތް ވަޒީރުންގެ މަޖިލީހުގެެ ނިންމުންތައް ހާމަކުރުމަށްް އޮތް މި ނޫސްވެރިންގެ ބައްދަލުވުމުގައި މިނިސްޓަރ ސައީދު ވަނީ އިންތިޚާބްތަކާ ދިމާކޮށް މިދިޔަ ސަރުކާރުގައި ފެނަކަ ފަދަ ސަރުކާރުގެ ކުންފުނިތަކަށް ހައްދެއްނެތި މުވައްޒަފުން ނަގާފައިވާކަމަށް ވިދާޅުވެފައެވެ.

ބައެއް ކުންފުނިތައް އެއްކޮށްލުމަށް މި ސަރުކާރުން ނިންމެވިކަމަށް ވިދާޅުވެ ސައީދު ވަނީ ވަރަށް ބޮޑަށް ކުރީ ސަރުކާރަށް ފާޑުކިޔުން އަމާޒުކޮށްފައެވެ.

މި ސަރުކާރުންވެސް ވަނީ ކުރީ ސަރުކާރެކޭ އެއްފަދައިން އެެއްވެސް ހައްދެއްނެތި މުވައްޒަފުން ނަގާފައެވެ.