Majileehuge Security Mahsala eh 241 Committee Ah Hushahalhany

ރައްޔިތުންގެ މަޖިލީހުގެ މެމްބަރުންނަށް ސަލާމަތާއި ރައްކާތެރިކަން ކަށަވަރުކޮށްދޭން މަތިކޮށްފައިވާ ސަލާމަތީ ބާރުތަކުން އެކަން އެގޮތަށް ކޮށްފައިވާ ނުވާކަމަށް ބުނެ، މައްސަލަ ބަލައިދިނުމަށް 241 ކޮމިޓީއަށް ހުށަހަޅާނެ ކަމަށް އިދިކޮޅު މައި ޕާޓީ މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އިން ބުނެފިއެވެ.

ސަރުކާރުގެ މެމްބަރުން އަމަލުތައް ބެހެއްޓެވިގޮތުން އެކަމާ ކަންބޮޑުވުން ފާޅުކޮށް އެމްޑީޕީން ބޭއްވި ނޫސްވެރިންގެ ބައްދަލުވުމުގައި އެޕާޓީން ބުނެފައިވަނީ ހިނގާދިޔަ ކަމުގެ މައްސަލަ ބަލާނެކަމަށެވެ.

އަޅުގަނޑު ގަބޫލެއް ނުކުރަން ދައުލަތުގެ ސަލާމާތީ ބާރުތަކުން މިއަދު ރައްޔިތުންގެ މަޖިލީހަށް ދެއްވަން ޖެހޭ ހިދުމަތް ދެއްވި ކަމަށް. ރައްޔިތުންގެ މަޖިލީހުގެ ރައީސް ވެސް ހުންނެވީ ވަރަށް ކަންބޮޑުވުމުގެ ތެރޭގައި. ވަރަށް ހާސްކަމުގެ ތެރޭގައި. މިތަނަށް ވަނުމާ ނުކުތުމާ އެއްވެސް އުސޫލެއް ނެތި ހިނގަމުންދިޔަ ތަން އެންމެނަށް ވެސް ފެނިގެންދިޔައީ

- މަޖިލީގެ ނައިބު ރައީސް، ސަލީމް

އަދި, މިކަން ހިނގައިދިޔަ ގޮތް ބަލައިދިނުމަށް އެ ޕާޓީގެ ފަރާތުން މަޖިލީހުގެ ސަލާމަތާއި ހިދުމަތްތަކާ ގުޅޭ ކޮމިޓީއަށް ހުށަހަޅުއްވާނެ ކަމަށް ސަލީމް ހާމަކުރެއްވި އެވެ.

މަޖިލީހުގެ ގޯތި ތެރެއަށް ބައެއް ބޭފުޅުން ވެންނެވިކަން އަޅުގަނޑުމެންނަށް އެނގޭ. މަޖިލީހުގެ ސަލާމަތީ ކަންކަން ބަލަހައްޓަވަނީ އެމްއެންޑީއެފްގެ ފަރާތުން. އެހެން ނަމަވެސް, މެމްބަރުންނަށް މިއަދު ރައްކާތެރި މާހައުލެއް އޮތް ކަމުގެ އިހުސާސެއް ނުކުރެވޭ. އަޅުގަނޑުމެންގެ މެމްބަރުން ތިބީ ވަރަށް ކަންބޮޑުވުމާއި ބިރުވެރިކަމެއްގެ ތެރޭގައި ހޯރަފުށީ ދާއިރާގެ މެމްބަރުކަން ވެސް ކުރައްވާ ސަލީމް ވިދާޅުވި އެވެ.

- ހޯރަފުށީ ދާއިރާގެ މެމްބަރު އަދި މަޖިލީހުގެ ނައިބު ރައީސް، ސަލީމް

ވަޒީރުންނަށް ރުހުން ދިނުމަށް ތާވަލުކުރި ޖަލްސާ ކުރިއަށްނުގެންދެވި ނިންމާލުމާ ގުޅިގެން އަނެއްކާ އިތުރު ޖަލްސާއެއް ވެސް ބޭއްވުމަށް ވަނީ ތާވަލުކޮށްފައެވެ.