ވަޒީރުންނަށް ރުހުން ނުދޭ ކަމަށްބުނެ ރައްޔިތުންގެ މަޖިލީހުގައި މާރާމާރީ ހިންގުމަށްފަހު، ސައިފޮދު ހިއްޕަވަަން ރައީސް އޮފީހަށް ވަޑައިގަތީ ގައުމިއްޔަތު ކުރިއަރުވަންތޯ، ރައީސް އަބްދުﷲ ޔާމީން އަބްދުލް ޤައްޔޫމްގެ އައު ޕާޓީ އުފެއްދެވުމުގައި އިސްކޮށް ހަރަކާތްތެރިވާ، މުހައްމަދު މަލީހު ޖަމާލް ސުވާލު އުފައްދައިފިއެވެ.

ވަޒީރުންނަށް ރުހުން ނުދޭނެ ކަމަށް ބުނެ އާދިއްތަ ދުވަހު ދައުރުން ބޭރުން ބާއްވާފައިވާ އެއްވެސް މަޖިލީހެއް ކުރިއަށް ގެންދިޔަ ނުދީ ވަނީ އެތައް ހަަމަ ނުޖެހުންތަކެއް ހިންގާފައެވެ.

އޭގެ ތެރޭަގައި އިސްކޮށް ހަރަކާތްތެރިވެފައިވަނީ، އެމްޑީޕީގެ ކުރީގެ މެންބަރުން ކަމަށްވާ މިހާރުގެ ސަރުކާރުގެ މެންބަރުންކަން ފާހަގަކޮށްލެވެއެވެ.

އެއަށް ފަހު އެ މެންބަރުން ވަނީ، ރައީސުލްޖުމްހޫރިއްޔާގެ އޮފީހަށް ވަޑައިގެންފައެވެ.

މިކަމާއި ގުޅުވައި ފާޑުވިދާޅުވެ، މަލީހު ވިދާޅުވީ އެއީ ރައީސުލްޖުމްހޫރިއްޔާ ޑރ.މުހައްމަދު މުއިއްޒު ޤައުމިއްޔަތު ކުރިއަރުވާ ގޮތްތޯ ސުވާލު އުފައްދާފައިވެއެވެ.

މީގެ އިތުރުން، މަލީހު ވަނީ އެ މެންބަރުން މަޖިލީޙުގެ ތަޅުމުގެ ތެރެއިން ހިންގި އަމަލު ތަކަކީ ވަރަށް ލަދުވެތި ހުތުރު އަމަލުތަކެއްގެ ގޮތުގައި ސިފަކުރައްވާފައެވެ.

މަލީހު މިފަދައިން ވިދާޅުވެ ފާޑު އަމާޒުކޮށްފައިވާ އިރު، ސޯޝަލް މީޑިއާގެ އެކި ޕްލެޓްފޯމްތަކުގައި ވަނީ އެ މެނަބްރުންނަށް ފާޑު އަމާޒުކޮށްފައިކަން ފާހަގަކޮށްލެވެއެވެ.