އެޗްއާރުސީއެމް އަށް އިލެކްޝަންސް ކޮމިޝަން (އީސީ) ގެ ކުރީގެ ނައިބު ރައީސް އިސްމާއިލް ހަބީބް އައްޔަންކޮށްފި އެވެ.

އޭނާ މި މަގާމަށް އައްޔަންކުރަން މަޖިލީހަށް ނަން ފޮނުއްވީ ރައީސް މުއިއްޒެވެ. އޭނާއަށް ރުހުން ދޭން ފެންނަ ކަމަށް މަޖިލީހުން ފާސްކުރީ ޖުލައި 31 ގައެވެ.

އެ ދުވަހުގެ ޖަލްސާގައި ނެގި ވޯޓުގައި ބައިވެރިވި 76 މެންބަރުންގެ ތެރެއިން 73 މެންބަރުން ވޯޓު ދެއްވީ ހަބީބަށް ރުހުން ދޭން ފެންނަ ކަމަށެވެ.

އޭނާއަށް ރުހުން ދޭން ނުފެންނަ ކަމަށް ވޯޓުދެއްވީ ތިން މެންބަރެކެވެ.

ހަބީބު ވޭތުވެދިޔަ 10 އަހަރު ހުންނެވީ އީސީގެ މެންބަރެއްގެ ގޮތުގަ އެވެ. ހަބީބް ވަނީ އީސީގެ ނައިބު ރައީސްކަން ވެސް ކުރައްވާފައެވެ.