ހިއުމަން ރައިޓްސް ކޮމިޝަންގެ މެމްބަރު ކަމަށް އިސްމާއިލް ހަބީބު އައްޔަންކުރަން ފާސްކޮށްފިއެވެ.

އިލެކްޝަންސް ކޮމިޝަން (އީސީ)ގެ ކުރީގެ ނައިބު ރައީސް އިސްމާއީލް ހަބީބް އައްޔަންކުރަން ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީން މިއަދު ވަނީ ފާސްކޮށްފައެވެ. މި ގޮތަށް ފާސްކޮފައިވަނީ ކޮމިޓީ ބައްދަލުވުމުގައި ބައިވެރިވެވަޑައިގެންނެވި މެމްބަރުންގެ އިއްތިފާޤުންނެވެ.

އެޗްއާރުސީއެމްގެ މެންބަރުކަން ހުސްވީ ކުރިން އެ ކޮމިޝަންގެ ނައިބު ރައީސް ކަމުގައި ހުންނެވި ޑރ. އަހްމަދު އަދުހަމް އަބްދުﷲ މިދިޔަ އޮކްޓޯބަރު މަހު އެ މަގާމުން އިސްތިއުފާ ދެއްވުމާ ގުޅިގެންނެވެ. އެހެންވެ، އެ މަގާމަށް ހަބީބް އައްޔަން ކުރުމަށް ރައީސް ޑރ. މުޙައްމަދު އޭނާގެ ނަން ފޮނުއްވީ މި މަހުގެ 15ގައެވެ.

އެ މައްސަލަ ދިރާސާ ކުރުމަށް ހަވާލު ކުރި ހިއުމަން ރައިޓްސް ކޮމިޓީން އިއްޔެ ވަނީ އެ ކޮމިޓީއަށް ހަބީބް ހާޒިރުކޮށް އޭނާއާ އިންޓަވިއުކޮށްފައެވެ.

އެހެންކަމުން އެކަމުގައި ގޮތެއް ނިންމުމަށް މިއަދު އެ ކޮމިޓީން ބޭއްވި ބައްދަލުވުމުގައި، ކޮމިޓީގެ މުގައްރިރު އަދި ނިލަންދޫ ދާއިރާގެ މެންބަރު ފާތިމަތު ސައުދާ ވިދާޅުވީ، ހަބީބަށް އެވަރެޖުކޮށް 75 އިންސައްތައަށް ވުރެ އިތުރަށް މެންބަރުން މާކްސް ދީފައިވާ ކަމަށެވެ.