އިލެކްޝަންސް ކޮމިޝަންސް- އީސީއިން އިންތިޚާބުގެ ވަގުތު އިތުރުކުރީ ރައީސް ޑރ. މުހައްމަދު މުއިއްޒު ހިމެނޭހެން ރައްޔިތުންނަށް ވޯޓު ލުމަށް ފުރުސަތު ދިނުމަށްކަމަށް ހާމަވެއްޖެއެވެ.

ވޯޓުފޮށިތައް ބަންދުކުރަން ހަމަޖެހިފައިވާ ވަގުތަކީ ހޮނިހިރު ދުވަހުގެ 16:00 ކަމުގައި ވީނަމަވެސް އީސީއިން ވަނީ ވޯޓުފޮށި ބަނދުކުރާ ވަގުތު 17:00 އަށް އިތުރުކޮށްފައިއެވެ.

ރައީސް ޑރ. މުއިއްޒުގެ ދެކަނބަލުން ޗައިނާއަށް ކުރެއްވި ރަސްމީ ދަތުރުފުޅު ނިންމާލެއްވުމަށް ފަހު ރާއްޖެ ވަޑައިގަތީ ހޮނިހިރު ދުވަހުގެ މެންދުރު ވަގުތުގައިއެވެ.

ރާއްޖެއަށް އަނބުރާ ވަޑައިގަތުމަށް ފަހު އެމަނިކުފާނު ވަނީ ނޫސްވެރިންނާއި ބައްދަލު ކުރައްވާފައިއެވެ. އަދި މި ބައްދަލުވުން ވަނީ 3:45 ވަންދެން ކުރިއަށް ގޮސްފައިއެވެ. ރާއްޖެއަށް ރައީސް ދުރުވާ ވަގުތު ފްލައިޓުގެ އެރައިވަލް ޓައިމްއިން ސާފުކޮށް ހާމަވާއިރު، ރައީސް ނުށްވެރިންނާއި ދަތުރުފުޅަށް ފަހު ރަސްމީކޮށް ބައްދަލު ކުރައްވާނެކަންވެސް އެއީ ޔަގީން ކަމެކެވެ.

ނޫސްވެރިންގެ ބައްދަލުވުމަށް ފަހު އެމަނިކުފާނު ވޯޓުލައްވަން ދާން ލިބޭ ވަގުތުކޮޅު ވަރަށް ކުޑަތަންވާން ދިމާވެއެވެ. ކަންދިމާވިގޮތުން އެމަނިކުފާނު ވޯޓު ލެއްވުމަށް ސޯޝަލް ސެންޓަރަށްދުރވެވަޑައިގަތީ ހޮނިހިރު ދުވަހު ހަވީރު 16:00 ގެ ފަހުންނެވެ.

މިކަމާގުޅޭ ގޮތުން އީސީގެ ނައިބު ރައީސް އިސްމާއިލް ހަބީބާއި ސުވާލު ކުރެއްވުމުން އެމަނިކުފާނު ވިދާޅުވީ،

ހަބީބު އިތުރަށް ވިދާޅުވީ އިންތިހާބަށް ވަގުތު އިތުރުކުރެވުނީ ހުކުރު ދުވަހު މޫސުން ގޯސްވުމުގެ ސަބަބުން ގިނަ ރައްޔިތުންނަށް މާލެ ނާދެވުމުން އެ ރައްޔިތުންގެ އެދުމާއި އެއްގޮތަށްކަމަށެވެ.

ނަމަވެސް އިތުބާރު ހުރި ބައެއް މަސްދަރުތަކުން މައުލޫމާތު ލިބިފައިވާ ގޮތުގައި ވަގުތު އިތުރުކުރީ ރައީސް މުއިއްޒުއަސް ވޯޓުލުމުގެ ފުރުސަތު ދިނުމުގެ ގޮތުން ކޮމިޝަންގެ މެމްބަރުންތަކެއްގެ ނުފޫޒުން ކަަމަށެވެ.