ރައީސް އޮފީހުގެ މިނިސްޓަރު އަބްދުﷲ ނާސިރުގެ އަންހެނުންނަށް ތުރުކީގެ ދިވެހި އެމްބަސީން އިސް މަގާމެއް ދީފިކަން ހާމަވެއްޖެ އެވެ.
މިކަން ރައީސް އޮފީހުގެ އިސް ތަރުޖަމާނު ހީނާ ވަލީދު ވަނީ ކަށަވަރުކޮށްދެއްވާފައެެވެ.
ރައީސް އޮފީހުގެ މިނިސްޓަރު އަބްދުﷲ ނާސިރުގެ އަންހެނުން އައިޝަތު ރައިހާނާ އައްޔަނު ކުރައްވާފައިވަނީ ސްޕެޝަލް ކައުންސެލް ޓު ދި އެމްބެސެޑަރ ގެ މަޤާމަށެވެ.
އޭނާ އެ މަޤާމަށް އައްޔަނު ކުރައްވާފައިވަނީ މިއަހަރުގެ އޭޕްރީލް ގައިއެވެ.
ރައިހާނާ ކުރިން ހުންނެވީ މުލިއާގޭގެ ޑެޕިއުޓީ މިނިސްޓަރު ކަމުގެ މަޤާމުގައެވެ.
ސިޔާސީ މަގާމުގެ އަދަދު 700 އަށްވުރެެ ގިނަ ނުކުރާނެ ކަމުގެ ވައުދާއެކު ވެރިކަމަށް އައުމަށްފަހު މަގާމްތަކަށް މީހުން އައްޔަންކޮށްފައި ވަނީ އެއްވެސް ހައްދެއް ނެތިއެވެ.
