އުފަން ރަށް ހއ. ވަށަފަރުގައި ނުނިމި ދިގުލައިގެންދާ ސިޓީ ހޮޓެލް، ވެރިކަމުގެ ފުރަތަމަ ހަ މަސް ދުވަހުގެ ތެރޭގައި ނިންމައި ހުޅުވާނެ ކަމަށް ވައުދުވެވަޑައިގެންނެވި ނަމަވެސް ރައީސް ޑރ މުހައްމަދު މުއިއްޒުގެ ވެރިކަަމަށް 9 މަހާއި 3 ހަފްތާ ވެގެންދިޔަ އިރުވެސް ސިޓީ ހޮޓެލް ނުހުޅުވުނު ކަން ހާމަވެެއްޖެއެވެ.

އެމަނިކުފާނު މިފަދައިން ވިދާޅުވެފައިވަނީ ރިޔާސީ އިންތިހާބުގެ ކެމްޕެއިން ދަތުރުގައި، އުފަން ރަށް، ވަށަފަރަށް ވަޑައިގެން ބޭއްވި ބައްދަލުވުމުގައި އެވެ.

އެގޮތުން ރައީސް މުއިއްޒު ވިދާޅުވީ ސިޓީ ހޮޓާ ހުޅުވުމުން އެތައް ބަޔަކަށް ވަޒީފާގެ ފުރުސަތު ފަހިވެގެންދާނެ ކަމަށެވެ.

ވެރިކަމަށް އައުމުގެ ކުރިން ކޮންމެ ރަށަކަށް ވެސް ވަޑައިގެން އެ ރަށަކަށް ކޮށްދެއްވާނެ އެތައް ކަމެއް އެމަނިކުފާނު ވަނީ ވިދާޅުވެފައެވެ.

ނަމަވެސް ވެރިކަމަށް 9 މަސް ވެގެން ދިޔަ އިރުވެސް އޭރު ފައްޓަވަން ވައުދުވެވަޑައިގެންނެވި އެއްވެސް މަޝްރޫޢުއެއްގެ އަމަލީ މަސައްކަތް ފައްޓަވާފައިނުވާކަން ފާހަގަކޮށްލެވެއެވެ.