ރާއްޖޭގެ އެއް ނަމްބަރު ޓީވީ ޗެނަލް، ޗެނަލް 13ގެ ބްރޮޑްކާސްޓިން މިހާރު މުޅި ރާއްޖެއަށް ލިބޭނެކަމަށް އެ ސްޓޭޝަނުން ހާމަކޮށްފިއެވެ.

ޗެނަލް 13ގެ ސީއީއޯ އިސްމާއިލް ސޮފްވާން، "ތޭރަ އޮންލައިން"އަށް މައުލޫމާތު ދެއްވަމުން ވިދާޅުވީ، ރާއްޖޭގެ ގިނަ ކަންކޮޅުތަކަކުން ޗެނަލް13ގެ ޓެލެކާސްޓު ނުލިބޭތީ މީގެ ކުރިން ޝަކުވާ ލިބެމުން ދިޔަ ކަމަށެވެ.

އެހެންކަމުން އެންމެ ފަހުން ޗެނަލް 13 އަޕްގްރޭޑިންގެ މަސައްކަތަށް މެދު ކަނޑާލިއިރު އެކަމަށް ވަރަށް ވިސްނެވި ކަމަށާ ބެލުންތެރިންގެ ޝަކުވާތަކަށް ހައްލު ގެނެސްދެވޭނެ ގޮތަކާ މެދު މެނޭޖުމަންޓާ މަޝްވަރާ ކުރެއްވި ކަމަށެވެ.

އެ މަޝްވަރާތަކަށް ފަހު އަޕްގްރޭޑިންގެ މަސައްކަތް މެނޭޖުމަންޓުގެ އެއްބާރުލުމާއެކު ނިންމާ މިހާރު އަލުން، "ޗެނަލް 13"ގެ ބްރޮޑްކާސްޓިން ފަށާފައިވާއިރު މުޅި ރާއްޖެއަށް މިހާރު ޗެނަލް 13 ފެންނާނެ ކަމަށް ސޮފްވާން ވަނީ މައުލޫމާތު ދެއްވާފައެވެ.

އެގޮތުން "އެސްއެސްނެޓު" މެދުވެރިކޮށް މިހާރު މުޅި ރާއްޖެއަށް ޗެނަލް 13 ޓިއުން ކޮށްލެވޭނެ ކަމަށް ސޮފްވާން ވަނީ ވިދާޅުވެފައެވެ. އެސްއެސްނެޓުގެ 5 އަކަށް ޓިއުންކޮށްލެވުމުން ޗެނަލް13 ފެނިގެން ދާނެއެވެ

ޓިއުންކޮށްގެން ޗެނަލް 13 ނުލިބޭނެ ނަމަ ޑިކޯޑަރ އަލުން ރީ- ސްޓާރޓު ކޮށްލުމުން ލިބޭނެ ކަމަށްވެސް ވަނީ މައުލޫމާތު ދެއްވާފައެވެ.