ކުދި ވިޔަފާރިތައް ނަގާ ކޮޅަށް ޖެހުމަށް ކުރި ސަރުކާރުން ތައާރަފްކުރި ޕްލެޓުފޯމުގައި ވިޔަފާރިތައް ހިންގަމުންދާ އެސްއެމްއީ ހަބް ހުސްކުރަން އަންގާފައިވާއިރު އެ ވިޔަފާރިވެރިންނަށް އިތުރު ގޮތެއް ހޯދަދޭން ސަރުކާރުން ޖެހޭ ކަމަށް ކާނަލް ރިޓަޔާޑް އަހުމަދު ފަޔާޒު (ޕާޕާ) ވިދާޅުވެއްޖެއެވެ.
ޕާޕާ މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
އެސްއެމްއީ ހަބް މިހާރު ހުރިތަން ހުސްކުރަން އަންގާފައިވަނި އެ ތަނުގައި، މި ސަރުކާރުން ބޭންކެއް ގާއިމުކުރުމަށް ކަމަށްވެއެވެ. އެގޮތުން މި ސަރުކާރުން ގާއިމުކުރާ ޑިވެލޮޕްމަންޓު ބޭންކު ގާއިމުކުރަނީ އެސްއެމްއީ ހަބްހުރި އިމާރާތުގައެވެ.
މިކަމަށް އިޝާރާތްކުރައްވާ ފަޔާޒު ވިދާޅުވީ، ކުދި ވިޔަފާރިވެރިންނާ ހޯމް ބޭކާސް ނުވަތަ ގޭގައި ކާއެއްޗެއްހި ތައްޔާރުކޮށްގެން ގެނެސް އެތަނުގައި ވިއްކަމުން ދާ ފަރާތްތަކަށް އެކަމުގެ ސަބަބުން ގެއްލުންވާނެ ކަމަށާ ސަރުކާރުން އެފަދަ ނިންމުމެއް ނިންމަންވާނީ އެ ރައްޔިތުންނަށް އޭގެ ބަދަލުގައި އިތުރު މަގެއް ތަނަވަސްކޮށް ދިނުމަށްފަހުގައި ކަމަށެވެ.
މި ސަރުކާރުން ކުދި ވިޔަފާރިވެރިންގެ ވިޔަފާރި ފުނޑާލަން ކުރާ މަސައްކަތެއްގެ ގޮތުގައިވެސް މިކަން ގިނަ ބަޔަކު ސިފަކުރެއެވެ.
