އދގެ 79 ވަނަ އާއްމު މަޖިލީހުގައި ބައިވެރިވެވަޑައިގަތުމަށް ފުރާވަޑައިގެން ދުބާއި އެއާޕޯޓްގައި ޓްރާންސިޓް ކުރައްވައިގެން އިނދެ "ކޮސްޓާރ" ބްރޭންޑްގެ ކޮފީއެއް ބޯ މަންޒަރުގެ ވީޑިޔޯއާއި ގުޅިގެން ގިނަ ބަޔެއްގެ ފާޑު ކިޔުން އަމާޒުވެފައިވަނިކޮށް މުއިއްޒުގެ އަންޑަސެކްރަޓަރީ އިބްރާހީމް އަބާން އަބްދުލް ލަތީފްވެސް ސަހްޔޫނީންނަށް ވާގިވެރިވާ އުފެއްދުމެއް ޕްރޮމޯޓް ކޮށްފިއެވެ.
މިގޮތުން އަބާންގެ އިންސްޓަގްރާމް ސްޓޯރީގައި ސަހްޔޫނީންނަށް ވާގިވެރިވާ "ސްޓާބަކްސް" ގެ އުފެއްދުމެއްގެ ފޮޓޯ ވަނީ ހިއްސާކޮށްފައެވެ. ނަމަވެސް މީސްމީޑިޔާގައި ގިނަ ބަޔަކު ރައީސް މުއިއްޒުގެ އިތުރުން އަބާން އަށް ފާޑުކިޔަމުން އައުމުގެ ސަބަބުން އެ ފޮޓޯވަނީ މިހާރު ޑިލީޓްކޮށްފައެވެ.
ދިވެހިން މެދުކެނޑުމެއްނެތި ސަހްޔޫނީންނަށް ވާގިވެރިވާ އުފެއްދުންތައް ބޮއިކޮޓް ކުރުމަށް ގޮވާލަމުން އަންނައިރު ގައުމުގެ ވެރިމީހާގެ އިތުރުން އިސް ސަފުގައި މަސައްކަތް ކުރައްވާ ބޭފުޅުންގެ ފަރާތުން ފެނިގެންދަނީ ވަރަށްވެސް ދަށު ދަރަޖައިގެ މަންޒަރުތަކެވެ.
މުސްލިމް އުއްމަތެއް ނެތިކުރަމުން ދާއިރު، މުސްލިމު ގައުމެއްގެ ހައިސިއްޔަތުން އެ ފަދަ ގައުމަކާއި ދެކޮޅަށް އެއްވެސް ފިޔަވަޅެއް އަޅަން ކެރިވަޑައިނުގަތް އެ ފަރާތްތަކަށް ވާގިވެރިވާ ކުންފުނިތަކާއި އަދު ގައުމުތަކާއި ގުޅުން ބަދަހިކުރަމުން އަންނަ މަންޒަރު ދަނީ ފެންނަމުންނެވެ.
