ރައީސް މުއިއްޒު ގެންދަވަނީ ދިވެހި ގައުމު ފަޚުރުވެރިވާ މިންވަރަށް ދިވެހިރާއްޖެ ތަމްސީލު ކުރައްވަމުން ކަމަށް މިނިސްޓަރ އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވޯކްސް އާދަމް ޝަރީފް އުމަރު ވިދާޅުވުމާއި ގުޅިގެން ގިނަ ބަޔެއްގެ ފާޑު ކިޔުން މިނިސްޓަރަށް އަމާޒުވެއްޖެއެވެ.

މިނިސްޓަރގެ އެކްސް އެކައުންޓްގައި އިތުރަށް ވިދާޅުވެފައިވަނީ ރައީސް މަސައްކަތް ކުރައްވަނީ ދިވެހިންގެ އިހުސާސްތަކާއި ވިންދާއި އެއްގޮތަށް ކަމަށެވެ. މިނިސްޓަރ މިހެން ވިދާޅުވެފައިވާއިރު ދިވެހިން އެންމެ ބޮޑަށް ސަރުކާރަށް އެދެމުންދާ ކަމަކީ ސަހްޔޫނީންނަށް މި ގައުމަށް އެތެރެނުވެވޭ ގޮތަށް އެ ގައުމުގެ ޕާސްޕޯޓް މަނާ ކޮށް އެ ގައުމަށް ވާގިވެރިވާ ވިޔަފާރިތައް ބޮއިކޮޓް ކުރުމުވެ.

ނަމަވެސް އދ ގެ ޖެނެރަލް އެސެމްބްލީގައި ބައިވެރިވުމަށް ކުރެއްވި ދަތުރުފުޅުގައި ސަހްޔޫނީންނަށް ވާގިވެރިވާ "ކޯސްޓާ ކޮފީ" އެއް ބޯ މަންޒަރު ސޯޝަލް މީޑިޔާގައި އިއްޔެ ވަނީ ދައުރުވެފައެވެ. އެހެންކަމުން މިއީ ރައްޔިތުންގެ އިހުސާސްތަކާއި އަޑު ކައިރިން އެއްސެވުންތޯ ބުނެ ގިނަ ބަޔަކު އަންނަނީ ސޯޝަލް މީޑިޔާގައި މިނިސްޓަރާއި ސުވާލުކުރައްވަމުންނެވެ.

ސަހްޔޫނީންގެ ޕާސްޕޯޓް މަނާކުރުމުގެ ބިލު މަޖިލީހުގައި ކުރިއަށް ނުގެންގޮސް އޮންނަތާ 100 އަށް ވުރެ ގިނަ ދުވަސްވެފައިވާއިރު ސަރުކާރުން އަންނަނީ އެކި އުޒުރު ދައްކާ އެ ކަން ނުކުރުމަށް މަސައްކަތް ކުރަމުންނެވެ