ސަހްޔޫނީން ލުބުނާނުގެ އެކި ސަރަހައްދުތަކަށް މިއަދު ހެނދުނުއްސުރެ ގިނަ ހަމަލާތަކެއް ދީ މި ހަމަލާތަކުގައި ގިނަ ބަޔަކު ޝަހީދުވެއްޖެ އެވެ.

ލުބުނާނުގެ ސިއްހީ ވުޒާރާއިން ބުނެފައިވަނީ ލުބުނާނުގެ އެކި ސަރަހައްދުތަކަށް ސަހްޔޫނީންގެ އަސްކަރިއްޔާއިން ދިން ހަމަލާތަކުގައި މިހާތަނަށް 50 މީހަކު ޝަހީދުވެފައިވެއެވެ. އަދި 300 އަށްވުރެ ގިނަ މީހުންނަށް ވަނީ ޒަހަމްވެފައި އެވެ.

މީގެ ތެރޭގައި ކުޑަކުދިންނާއި އަންހެނުންނާއި ސިއްހީ ހިދުމަތްދޭ ފަރާތްތަށްވެސް ވެސް ހިމެނޭ ކަމަށް ލުބުނާނުގެ ސިއްހީ ވުޒާރާއިން ބުނެއެވެ.

ސަހްޔޫނީންގެ އަސްކަރިއްޔާއިން ބުނެފައިވަނީ މިއަދު ގާތްގަނޑަކަށް 300 އެއްހާ ހަމަލާ ލުބުނާނުގެ އެކި ސަރަހައްދުތަކަށް ދީފައިވާ ކަމަށެވެ.

މި ހަމަލާތަކާއި ގުޅިގެން ލުބުނާނުގެ އެޑިއުކޭޝަން މިނިސްޓްރީން ވަނީ ސަހްޔޫނީންގެ ހަމަލާތަކުގެ އަސަރު ކޮށްފައިވާ ސަރަހައްދުތަކުގެ ސްކޫލްތައް ދެ ދުވަހަށް ބަންދުކުރާކަން އިއުލާނުކޮށްފައެވެ.