ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު ފަޒުލް ރަޝީދުގެ ގާތް ބަޔަކަށް ކޮރަލްވިލްގެ 9 ޓަވަރުގެ ބޭރު ރެނދުތައް ފިލުވައި، ކުލަލުމުގެ މަސައްކަތް ހަވާލުކުރީ އިންތިހާއަށް ބޮޑު އަގުގައިކަން ހާމަވެއްޖެއެވެ.

އެ މަސައްކަތުގެ ބިޑް ކާމިޔާބުކުރި ކަމަށް އެޗްޑީސީން ނިންމި "މެގަވާސް" ކިޔާ ކުންފުންޏަަކަށް މި ޕްރޮޖެކްޓް ދީފައިވަނީ އެއަށްވުރެ އަގުހެޔޮކޮށް އެ މައްސަކަތް ކޮށްދިނުމަށް ބައެއް ފަރާތްތަކުން ހުށަހަޅާފައިވަނިކޮށެވެ.

"މެގަވާސް" ކުންފުންޏަކީ މި ސަރުކާރާއެކު އުފެދިފައިވާ 10 މަސްވީ ކުންފުންޏެކެވެ. އެ ކުންފުންޏަކީ ފަޒްލުއާ ގާތް ބައެއްގެ ހިއްސާއޮންނަ ކުންފުންޏެއް ކަމަށް މީސްމީޑިޔާގައި އެކި އެކި ފަރާތްތަކުން އަންނަނީ ބުނަމުންނެވެ.

ކޮރަލްވިލްގެ ނުވަ ބިލްޑިންއަކީ ޗައިނާ ފްލެޓް ބިލްޑިންގްތަކަށް ވުރެ ކުޑަ ބިލްޑިންގްތަކެކެވެ. އެތަނުގެ ކުލަލުމުގެ މަސައްކަތް އެޗްޑީސީން ހަވާލުރީ 6.6 މިލިއަން ރުފިޔާއަށެވެ. މިއީ ބިލްޑިންގެއް 734,736.00 (ހަތް ލައްކަ ތިރީސް ހަތަރު ހާސް ހަތް ސަތޭކަ ތިރީސް ހަ) ރ. ގެ މަގުންނެވެ.

މިއީ މީގެ ކުރިން ދުވަހަކު ވެސް އެޗްޑީސީން ހުޅުމާލޭގެ ފްލެޓްތަކުގެ ކުލަލުމުގެ މަސައްކަތް ހަވާލުކުރި އަގެއް ނޫންކަން ފާހަގަކޮށްލެވެއެވެ. އެއީ މީގެ ކުރިން 2017 ވަނަ އަހަރު 32 ފްލެޓްގެ ކުލަލުމުގެ މަސައްކަތް ހަވާލުކުރީ ހަ މިލިއަން ރުފިޔާއަށްކަން ހާމަވެފައިވާތީ މިއީ އަލަށް ކުރި ކަމެއްކަން އެނގެއެވެ.

އޭގެއިތުރުން އެޗްޑީސީން މި މަސައްކަތަށް ފުރަތަމަ އިއުލާންކުރީ ވެސް 55 އިންސައްތަ ފައިސާ އިންސްޓޯލްމަންޓަށް ބަހާލައިގެން 6 މަސް ދުވަހުގެ ތެރޭގައި ދައްކާ ގޮތަށެވެ. މިއީ ސަރުކާރުގެ ކުންފުންޏަކުން މީގެ ކުރިން ދުވަހަކު ވެސް ސަރުކާރުގެ ކުންފުންޏަކުން އިންސްޓޯލްމަންޓަކަށް ޕްރޮޖެކްޓްތަކެއް ހަވާލުކޮށްފައި ނުވެއެވެ.

މިއީ ސީދާ ކޮރަޕްޝަންކަމަށް ތުހުމަތު ކުރައްވާ ގިނަ ފަރާތްތަކުން އަންނަނީ ފަޒުލްއަށް ފާޑުކިޔުން އަމާޒުކުރަމުންނެވެ.