ޖުލައި މަހު ހުޅުވާނެ ކަމަށް ސަރުކާރުން އިއުލާނުކުރި ޑިވެލޮޕްމަންޓް ބޭންކް އޮފް މޯލްޑިވްސް (ޑީބީއެމް) ނުހުޅުވި ދެމަސް ވެފައިވާކަން ހާމަވެއްޖެއެވެ.
މެއި މަހުގެ 12 ވަނަ ދުވަހު، ޖުލައި މަހުގެ ތެރޭ ޑީބީއެމް ހުޅުވާނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވަނީ ވިދާޅުވެފައެވެ.
އެހެންނަމަވެސް ޖުލައި މަހާ ހަމައަށްވެސް ޑީބީއެމްގެ މަސައްކަތް ނިމިފައިނުވާކަން ފާހަގަކޮށްލެވެއެވެ.
ޑީބީއެމްގެ ރަސްމީ އޮފީސް ހުޅުވަނީ ބިޒްނަސް ސެންޓަރު ކޯޕަރޭޝަން (ބީސީސީ) އިން އެސްއެމްއީ ހަބު ހިންގި އިމާރާތުގެ ފުރަތަމަ ފަންގިފިލާގައެވެ.
އެސްއެމްއީ ހަބު ހިންގި އިމާރާތް ހުސްކުރަން ކުދި ވިޔަފާރި ފަންތީގެ މީހުންނަށް ވަކި މުެްދަތެއް ނުދީ ހުސްކުރުމުން ގިނަ ބަޔަކު އަންނަނީ ސަރުކާރަށް ފާޑުވެސް ކިޔަމުންނެވެ.
އެ ބޭންކު އެކުލަވާލުމުގެ މަސައްކަތުގެ ތެރެއިން އެ ބޭންކުގެ ޗެއާޕާސަން ކަމަށް އޭޝިއާގެ ބޭންކިން ސެކްޓަރުގެ ތަޖުރިބާކާރެއް ކަމަށްވާ އަރުނީ ގުނަތިލެކެ އަދި ސީއީއޯއަކަށް ނޮއެލް ގްރެގާ ޕެޓަސަން-ޖޯންސް ވަނީ އައްޔަންކޮށްފަ އެވެ.
