ސަހްޔޫނީން ލުބުނާނުގެ ދެކުނަށް ދިން ވައިގެ ހަމަލާއެއްގައި 600 އެއްހާ މީހުން މަރުވެ، އިތުރު އެތައް ބަޔަކު ޒަހަމްވެފައިވެ އެވެ. ރޭ ދިން މި ހަމަލާ އަމާޒުކޮށްފައިވަނީ އާބާދީ ގިނަ މީހުން ދިރިއުޅޭ ސަރަހައްދަކަށެވެ.
ސަހްޔޫނީންގެ އަސްކަރީ ޖެޓުތަކުން ބޮމުގެ ހަމަލާތަކެއް ދެމުންދާތާ މިއަދަށް މިއީ ތިން ވަނަ ދުވަހެވެ. މިހާތަނަށް 569 މީހުން ޝަހީދުކޮށްލައި، 1،645 މީހުން ވަނީ ޒަހަމްކޮށްލުމާ ގުޅިގެން ލުބުނާންގެ ރައްޔިތުންގެ ހިތްތަކުގައި ވަނީ ބޮޑު ބިރުވެރިކަމެއް އުފެދިފައެވެ.
ކުއްލި ހާލަތުގައި ދޭ ހިދުމަތްތައް މެދުކެޑިފައިވާތީ، ގެއްލުން ލިބުނު ސަރަހައްދުތަކަށް އެހީތެރިކަން ފޯރުކޮށްދިނުމުގައި ލުބްނާންގެ ލޯކަލް އޮތޯރިޓީތަކާއި ސިއްހީ އޮފިޝަލުން ދަނީ އުނދަގޫތަކެއް ކުރިމަތިވަމުންނެވެ. ހޮސްޕިޓަލްތަކުން މެޑިކަލް ސާމާނާއި މުވައްޒަފުންގެ ދަތިކަން ރިޕޯޓް ކުރަމުންދާއިރު، ހަލަބޮލިކަމުގެ ތެރޭގައި ގިނަ އާއިލާތަކެއް އަދިވެސް ރައްކާތެރި ސަރަހައްދުތަކަށް ނުގެންދެވޭ ކަމަށް ރިޕޯޓްކޮށްފައިވެއެވެ.
