ކުރިއަށް އޮތް ސްކޫލް ބަންދުގައި ރާއްޖޭގެ ހުރިހާ ސަރަހައްދަކަށް ވެސް ކެރީގެ އަސަރު ފޯރުން އެކަށީގެންވާ ކަމަށް މޫސުމާ ބެހޭ ގައުމީ އިދާރާ (މެޓް) އިން ބުނެފިއެވެ.

މެޓުން ހާމަކުރިގޮތުގަައި އުތުރާއި މެދުރާއްޖެތެރެއަށް 8 މޭލާއި 18 މޭލާ ދެމެދުގެ ބާރުމިނުފައި ވައިޖެހޭނެ ކަމަށް ލަފާކުރެވެއެވެ. އަދި ދެކުނަށް އެއަށްވުރެ ވައި މަޑުވާނެ ކަމަށްވެސް މެޓުން ވަނީ ބުނެފައެވެ.

އެ މުއްދަތުގައި ކަނޑުތައް އާދައިގެ ވަރަކަށް ގަދަވާނެ ކަމަށް ވެސް މެޓުން ވަނީ ހާމަކޮށްފައެވެ.

ސުކޫލް ކުދިންގެ ޗުއްޓީ ފެށިފައިވާއިރު ރަށްރަށަށް ދަތުރުދާއިރުގަޔާއި ކަނޑުދަތުރުފަތުރު ކުރާއިރު މޫސުމަށް ސަމާލުވުމަށް މެޓުން ވަނީ އިލްތިމާސްކޮށްފައެވެ.