މާލޭގައި ފޭރުނު އަންހެނަކު ހައްޔަރުކޮށްފިއެވެ.
އެ މައްސަލައާ ގުޅިގެން ހައްޔަރުކޮށްފައި ވަނީ އުމުރުން 41 އަހަރުގެ މާލެއަށް ނިސްބަތްވާ ދިވެހި އަންހެނެއްކަމަށް ފުލުހުން ވަނީ ބުނެފައެވެ.
ހުއްދަ ނޫން ތަނަކަަށް ވަނުމާއި ފޭރުނު މައްސަލައެއްގައި އޭނާ ހައްޔަަރު ކުރިއިރު، އޭނާގެ ބަންދަށް ކްރިމިނަލް ކޯޓުން ވަނީ ހަތް ދުވަސް ޖަހައިފައެވެ.
އޭނާއާ ގުޅޭ ބަންދު އަމުުރުގައި ބުނެފައި ވަނީ އޭނާގެ މައްޗަށް ތުހުމަތު ކުރެވޭ ކުށް އޭނާ ކުރި ކަމަށް ތުހުމަތުކުރެވޭ ކޮންމެވެސް މިންވަރުގެ ހެކި ގަރީނާ ހުށަހެޅިފައިވާ ކަަަމަށެވެ.
އަަދި އޭނާގެ މައްޗަށް ތުހުމަތު ކުރެވޭ ކުށް އިންކާރުކޮށް، ތޫނު އެއްޗެއް އޭނާ ގެންގުޅުނު ކަމަށް އިންކާރު ކުރާ ކަމަށެވެ.
އޭނާއަކީ ހައްޔަރު/ބަންދު ލޮގު ގިނަ މީހެއްކަމަށް ވެސް ފުލުހުން ވަނީ ހާމަކޮށްފައެވެ.
