ލުބުނާނުގެ ދެކުނުގައި ސަހްޔޫނީން ދިން ވައިގެ ހަމަލާއެއްގައި ހިޒްބުاللهގެ ސެކްރެޓަރީ ޖެނެރަލް ހަސަން ނަސްރުاللهގެ ދަރިކަނބަލުން މިއަދު ޝަހީދުވެއްޖެ ކަމަށް ރިޕޯޓްތަކުން ބުނެފިއެވެ.
ރިޕޯޓްތައް ބުނާ ގޮތުން މި ހަމަލާ އަމާޒުކޮށްފައި ވަނީ މީހުން ދިރިއުޅޭ ސަރަހައްދަކަށް ކަމަށާއި އެ ހަމަލާގައި ބޮޑެތި ގެއްލުންތަކެއް ލިބިފައިވާ ކަމަށެވެ.
ސަހްޔޫނީންގެ ޗެނަލް 12 ނޫހުން ވެސް ވަނީ ޒައިނަބް ޝަހީދުކޮށްލާފައިވާ ކަމަށް ބުނެފައެވެ. ނަމަވެސް ޒައިނަބް ޝަހީދުކޮށްލާފައިވާ ކަމެއް ލުބުނާނުގެ އިދާރާތަކުން ކަށަވަރުކޮށްދީފައެއް ނުވެއެވެ.
ހިޒްބުالله އިން ވަނީ މި ހަމަލާ ކުށްވެރިކޮށް މިއީ އަނިޔާވެރި އަމަލެއް ކަމަށް ސިފަކޮށް ޖަވާބެއް ދޭނެ ކަމުގެ ޔަގީންކަން ދީފަ އެވެ. އެ ޖަމާއަތުން ނެރުނު ބަޔާނެއްގައި ވަނީ ނަސްރުاللهގެ އާއިލާއަށާއި މުޖުތަމައުއަށް ކުރާ ނޭދެވޭ އަސަރުތަކުގެ މައްޗަށް އަލިއަޅުވާލައި އެ ގެއްލުމާ މެދު ހިތާމަފާޅުކޮށްފަ އެވެ.
ސަހްޔޫނީންގެ އޮފިޝަލުން މިކަމާ ބެހޭ ގޮތުން ރަސްމީކޮށް އަދި އެއްޗެއް ބުނެފައި ނުވި ނަމަވެސް މިހާދިސާގެ ސަބަބުން ލުބްނާން އާއި ސަހްޔޫނީންނާއި ދެމެދު އުފެދިފައިވާ ނުތަނަވަސްކަން އިތުރަށް ހޫނުވެ، ބޮޑު ހަމަނުޖެހުމެއް އުފެދިދާނެ ކަމުގެ ބިރު ބޮޑުވެދާނެ ކަމުގެ އިންޒާރު ސަލާމަތީ ތަޖުރިބާކާރުން ވަނީ ދީފަ އެވެ.
ޒައިނަބަކީ ހިޒްބުﷲ އާއި އާއިލާގެ ގުރުބާނީއަށް ވަރަށް ބޮޑަށް ތާއީދު ކުރައްވާ، 1997 ވަނަ އަހަރު ގުދުސްގައި އޭނާގެ ބޭބެ ޝަހީދުކޮށްލި މައްސަލައިގައި އިސްރާއީލާއި ދެކޮޅަށް އެންމެ ވަރުގަދައަށް ވާހަކަ ދައްކާފައިވާ މީހެކެވެ.
