އދ ގެ 79 ވަނަ އާންމު މަޖިލީހުގައި ބެންޖަމިން ނަތަންޔާހޫގެ ތަގުރީރުކުރަން ހުއްޓުމާއެކު ގިނަ އަދަދެއްގެ ގައުމުތަކުން މަޖިލިސް ބޮއިކޮޓްކޮށްފިއެވެ.
އެގޮތުން ހައްދު ފަހަނަ އަޅާފައިވާ ނިރުބަވެރި ނަތަންޔާހޫ އޭނާގެ ތަގުރީރަށް ޕޯޑިއަމް ކައިރީ ހުއްޓުމާ އެކު ގިނަ އަދަދެއްގެ ގައުމުތަކުން މަޖިލީހަށް ގޮސް ތިބި ވަފުދުތައް ވަނީ މާލަން ދޫކޮށް ނިކުމެ އެ ތަގްރީރު ބޮއިކޮޓްކޮށްފައެވެ.
ސަބަބެއްކަމުގައި ގިނަ ގައުމުތަކުން ހާމަކޮށްފައިވަނީ އިސްރާއިލުން ފަލަސްތީނުގެ ޣައްޒާގައި ހިންގަމުންދާ ނަސްލު ނައްތައިލުމުގެ ގަތުލުއާންމާ ދެކޮޅު ހެދުމުގެ ގޮތުންނާއި މިހާރު ލުބުނާނަށް ދެމުން އަންނަ ހަމަލާތަކާ ދެކޮޅު ހެދުމުގެ ގޮތުންނެވެ.
ނަތަންޔާހޫ ބުނެފައިވަނީ މި ފަހަރަކީ އޭނާ އދ ގައި ތަގްރީރުކުރަން އައުމުގެ ބިސްނުން ގެންގުޅުނު ފަހަރެއް ނޫން ކަމަށާ ނަމަވެސް އދ ގައި ތަގްރީރުކުރި ގިނަ ގައުމުތަކުގެ ވެރިން ވަނީ އޭނާގެ ގައުމާ މެދު ދޮގު ތުހުމަތުތަކެއްކޮށް ގޯސް މައުލޫމާތު ފަތުރާފައިކަމަށެވެ. އެހެންކަމުން ހަގީގަޔް ހާމަކުރަން އޭނާ އަށް މަޖްބޫރުވީ ކަމަށެވެ. ނަތަންޔާހޫ ބުނެފައިވަނީ ޣައްޒައަށާއި ލުބުނާނަށް ދެމުންދާ ނިރުބަވެރި ހަމަލާތައް ނުހުއްޓާނެ ކަމަށެވެ.
