ދިވެހިރާއްޖޭގެ ރައްޔިތުން މިހާރުވަނީ ބިކަވެ ހާލުގައި ޖެހިފައި ކަމަށް ކުރިގެ ނައިބު ރައީސް ޑރ. މުހައްމަދު ޖަމީލު އަހުމަދު ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ، ޕީއެންއެފް އޮފީހުގައި ބުރާސްފަތި ދުވަހުގެ ރޭ ބޭއްވި ޖަލްސާގައި ވާހަކަ ދައްކަވަމުންނެވެ.

ޑރ . ޖަމީލު ވިދާޅުވީ މިއަދު އަތޮޅު ތެރޭގެ ރައްޔިތުން ރޯ އަޑު އިވޭ ކަމަށާ ވިޔަފާރިވެރިންނާ މަސްވެރިންނަށް ފައިސާ ނުލިބޭތީ އެ އާއިލާތައް ހާލުގައި ޖެހި ގޮތް ހުސްވެފައިވާ ކަމަށެވެ. އެގޮތުން ރައްޔިތުންގެ އަތްމަތި ދަތިވުމުގެ އަސަރު ވިޔަފާރިތަކަށް ކޮށް ވިޔަފާރިވެރިންނަށް ގިނަ ވިޔަފާރިތައް ބަންދުކުރަން ޖެހިފައިވާކަން ޑރ. ޖަމީލު ވިދާޅުވިއެވެ. އަދި ވިޔަފާރިތައް ދަށްވުމުން އެ ވިޔަފާރިތަކުގައި ެގންގުޅޭ މުވައްޒަފުންގެ މުސާރަ ވެސް ނުދެވިގެން ވިޔަފާރިވެރިން އުޅޭކަން ޑރ. ޖަމީލު ފާހަގަކުރެއްވި.

މީގެ އިތުރުން މަސްވެރިންނާ މެދު ކަންކުރަމުންދާ ގޮތަށް ވެސް ޑރ. ޖަމީލު އަލި އަޅުވާލެއްވިއެވެ.

ޑރ ޖަމީލު ވިދާޅުވީ ރައްޔިތުން މިހާލުގައި ތިބިއިރުވެސް ރައީސް މީޙާ ގެންދަވަނީ މުޅި ދުނިޔޭގައި އެ ރައްޔިތުންގެ ފައިސާއިން ބުރު ޖަހާ ބޭކާރު ހަރަދުކުރަމުން ކަމަށަ މިއީ ވަރަށް ދަށު ދަރަޖައިގެ ކަމެއް ކަމަށެވެ.