ސަހްޔޫނީންގެ ހައިފާ ސިޓީއަށް ގިނަ އަދަދެއްގެ ރޮކެޓް ހަމަލާ ފޮނުވާލާފައިވާ ކަމަށް ހަނގުރާމަވެރި ޖަމާއަތްކަމުގައިވާ ހިޒްބުالله އިން ބުނެފި އެވެ.
އެ ޖަމާއަތުން ބުނެފައިވަނީ ސަހްޔޫނީންގެ ޕޯޓް ސިޓީއަށް ގިނަ އަދަދެއްގެ މިސައިލް ހަމަލާ ފޮނުވާލާފައިވާ ކަމަށެވެ. މި ހަމަލާތަކުުގައި އެއްވެސް މީހަކަށް އަނިޔާ ލިބުނުކަމުގެ ރިޕޯޓެއް މިހާތަނަށް ލިބިފައެއް ނުވެއެވެ.
މީގެ އިތުރުން، ޔަމަނުގައި ހަރަކާތްތެރިވާ ހޫތީންވެސް ވަނީ ސަހްޔޫނީންނަށް އަމާޒުކޮށް ގިނަ ހަމަލާތަކެއް ދީފައެވެ.
ހޫތީ އަސްކަރިއްޔާހެ ތަރުޖަމާން ޔަހްޔާ ވިދާޅުވީ، ހޫތީން ފޮނުވާލި ރޮކެޓް ހަމަލާތައް ކާމިޔާބުކަމާއެކު އަމާޒަށް ވާސިލްވި ކަމަށެވެ. އަދި އީރާނުން ދިން ހަމަލާއަށް ޔަހްޔާ ވަނީ ތައުރީފްކޮށްފައެވެ. މި ހަމަލާތަކުގައިވެސް އެއްވެސް މީހަކަށް އަނިޔާލިބުނު ކަމުގެ ރިޕޯޓެއް އަދި ލިބިފައެއް ނުވެއެވެ.
ހިޒްބުالله އިން މިފަދަ ހަމަލާއެއް ދީފައިވަނީ އީރާނުންވެސް 200 އެއްހާ ރޮކެޓް ހަމަލާ ސަހްޔޫނީންނަށް ދީފައިވަނިކޮށެވެ.
